[العريض]

اتحبني ولا تحب الدراهم

اختارلك وحدة علشان ماضيع

علاقة ما تنبني بالتفاهم

حتى تحت نور القمر يمكن تميع

ترى اهل الحب الحقيقي تراهم

مشجعين احساسهم دون تشجيع

صغيرهم يدري بقيمة غلاهم

لا يمكن تحصله معروض للبيع

مزروع في قلبي غلاك وعساهم

فدوة لبستانك وحصد المزاريع

مداك ما يشبه في عيني مداهم

يا ظبي يلي مرتعك في المرابيع

اذا زماني ما نصفني واذا هم

يبغونني انثر دموع التواديع

للحين بعده ما وصل مستواهم

المستوى شكر الحرار المطاليع

وصغار وعيوني لا يمكن تراهم

ما هي تشوف الا النجوم الملاميع

البحر ولا الموت انا كلاهم

اغرقهم واحبسهم ليابس الريع

الا اذا شفتك معاهم انساهم

كنك تقطع قلب مغليك تقطيع

لك محتوى يطغى على محتواهم

ويزيدني شوق ومحبة وتنويع

انت القمر والشمس ولا حداهم

انت الورود اليانعة والينابيع

اهل الحروب تجر لجلك حداهم

واهل الطرب تعزف لك اللحن تنويع

والاتقياء موحدين دعاهم

يحفظك ربي من عيون المقاليع

فرع وعلم هالبنات اش بلاهم

احبابك الموتى يا سيد المفاريع

في ارضهم جنة .. نجم في سماهم

اذاعة اهل الحسن وصوفك تذيع

من ما تطلع تراك حلاهم

اذا طلعت تصدع الناس تصديع

لكن لا تبعد بفكرك معاهم

لا الوصل يشرونه ولا الشوق للبيع

لو كل حاجة تنشرى بالدراهم

كان اشتريت العمر قدام لا يضيع

م
ن
ق
و
ل

الموضوع الأصلي: **اتحبني ولا تحب الدراهم=اختارلك وحدة علشان ماضيع** | | الكاتب: العريض | | المصدر: شبكة بني عبس

[حــزام]

بيض الله وجهك يازميلي
وصح لسان شاعر هالقصيده الجزله
ولاخلا ولاعدم

[عايض بن صالح]

علاقتك ماتنبني بالتفاهم..حتى تحت نو القمر يمكن اتميع
لاهنت ياحجاج العريض اختيار جميل

[صقربني عبس]

صح اللسانك
لاهــــــــــــــــــــــــــــــــنت

[البعيد الهادي]

صح السان الشاعر ومشكور ياحجاج
على النقـــــــل الجميل,,,,,,,,,,,,,

[خاتم الرشيدي]

علاقتك ماتنبني بالتفاهم..حتى تحت نو القمر يمكن اتميع
لاهنت ياحجاج العريض اختيار جميل

[العريض]

اقتباس من مشاركة ذيب الحجاز بيض الله وجهك يازميلي وصح لسان شاعر هالقصيده الجزله ولاخلا ولاعدم

هلاوغلا بالزميل

يشرفني مرورك الكريم لاهنت

[العريض]

اقتباس من مشاركة صقربني عبس صح اللسانك لاهــــــــــــــــــــــــــــــــنت

لاهنت غلى المرور