[المر العذب]

يتعب الشعر مايلحق مدى متعب=فيصلي ٍ سنود المجد متعبها
مير اباشيل طاروقي واقوم العب=لين اهيض فيافي نجد واطربها
ودي اتكي على جال الفخر وارقب=هدة الحر من عالي مراقبها
ودي اقرا مطاليع السعد واكتب=شاعر وقفته يا امير حاسبها
كل شمس ٍ بشعري دنقت تشرب=لبد الصبح الابلج فوق غاربها
ياهلا وابرك الساعات يامرحب=من هجوس ٍ تزاحم لك مناكبها
ياعريب السلايل طيب المجذب=يازبون المكارم يامعزبها
المعالي على شرواك ماتصعب=نوخت لك على الطاري ركايبها
كل مال السحاب .. لهامتك يقرب=وانت عينك على نايد كواكبها
انت ياسيدي يرقى لك المنصب=والهلايم تحدر في مناصبها
قبل ماتنفذ الرتبه على المنكب=بندق العز ياشيخ امتنكبها
وقفتك للوطن يوم السماء حثرب=وارجفت شرق والله متغاربها
يشرق الطيب وفلول الردي تغرب=وارض الابطال ماتصفي مزاهبها
من ثنى عن سما مكه وعن يثرب=ماتقصر يدينه عن مواجبها
عشت يراس مال الدار والمكسب=يافريق الحرس قدوة كتايبها
كل جندي لمرسوم الفهد شرهب=زينها لا لفت من راس شايبها
عمك اللي مدح طيبك وجيت اطيب=هقوته طال عمرك ماتخيبها
ياولد راعي الطولات ابو متعب=هيبتك من وريد البرق شاربها
حدث الشعر جاب .. بسيرتك واسهب=كنه اللي على صدره مغيبها
امدحك والقصيد القرم مايكذب=كلمة الحق تاقف عند واجبها
لو نهج الحقايق مالها .. مجنب=من يبي الشمس بالغربال يحجبها
يتعب الشعر .. ليه الشعر مايتعب=وانت شيخ ٍ سنود المجد متعبها

الموضوع الأصلي: السحاب لهامتك يقرب"لـمساعد" | | الكاتب: المر العذب | | المصدر: شبكة بني عبس

[مرزوق العجوني]

صح لسان الزعيم على الرائعه ويستااهل الامير متعب بن عبدالله المدح وبيض الله وجهك يافهد كفيت وفيت بس عندي طلب بسيط ابي منك تجيب لي قيصده مساعد في الامير عبدالعزيزبن فهد وتقبل مروري

[المر العذب]

اقتباس من مشاركة مرزوق العجوني صح لسان الزعيم على الرائعه ويستااهل الامير متعب بن عبدالله المدح وبيض الله وجهك يافهد كفيت وفيت بس عندي طلب بسيط ابي منك تجيب لي قيصده مساعد في الامير عبدالعزيزبن فهد وتقبل مروري

لاهنت يامرزوق على مرورك الاكثر من رائع...

وقريبا طلبك...

في اقرب عوده لي للمملكة..

[ابو ريان الرشيدي]

صح لسان الزعيم على الرائعه ويستااهل

الامير متعب بن عبدالله المدح وبيض الله وجهك

وتقبل مروري

[المر العذب]

الهواوي..

مرورك اسعدني..

لاهنت..

[منارة الذئاب]

لا هنت يا فهد على الابداع ومساعد
زعيم الشعراء لا شك تقبل مروري

[المر العذب]

اقتباس من مشاركة عاشق بلا عنوان لا هنت يا فهد على الابداع ومساعد زعيم الشعراء لا شك تقبل مروري

هلا عاشق بلاعنوان...

مرورك اسعدني ياكحيلان.

[رواية]

صح لسان الزعيم
شاكره لك أخي هذا النقل