[ناصربن سعود]

كيف تتخلص من مخالفة الشرطة قبل ما يكتبها الشرطي!!

(شد حيلك وسو مثله)


فى أحد الطرق السريعة ، واحد مسرع فوق اللزوم وقفه الشرطي على جنب نزل الشرطي ودار بينهم هالحديث :
لشرطي : ممكن رخصة السواقة؟


السائق :آسف رخصتي ملغية لأنها أنتهت ولا جددتها.

الشرطي : طيب أوراق ملكية السيارة؟

السائق : هذي ماهي سيارتي ، أنا سارقها .

الشرطي : تقول السيارة مسروقة ؟

السائق : أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه.

الشرطي : معك في درج السيارة مسدس بعد ؟

السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة .

الشرطي : وفيه جثة معك في السيارة بعد ؟

السائق : أي نعم.


المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة ، جاء الضابط وقرب من عند السائق وقال أتأكد أول .


الضابط : ممكن أشوف رخصةالسواقة ؟

السائق : أكيد ، تفضل ،وكانت الرخصة سليمة.

الضابط : سيارة مين هذي ؟

السائق : سيارتي، وهذي أوراق ملكيتها.

الضابط : لو سمحت تفتح الدرج بهدوء عشان أشوف إذا كان فيه مسدس؟

السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج.

الضابط : طيب إذا سمحت تفتح صندوق السيارة أبلغوني أنك قلت أن فيه جثة.

السائق : ما فيه مشكلة ، الصندوق أنفتح ، ما فيه أي جثة .؟؟

الضابط : شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة .

السائق : حسبي الله عليه .. .. الكذاب ، أكيد بعد قال لك أني مسرع ؟؟؟؟؟؟؟






التوقيع :
أستغفر الله العظيم الذي لا إله إلا

الموضوع الأصلي: كيف تتخلص من مخالفة الشرطة قبل ما يكتبها الشرطي أدخل وشووووف | | الكاتب: ناصربن سعود | | المصدر: شبكة بني عبس

[ابو براك الرياض]

يعطيك العافيه على النقل

[عبدالاله الرشيدي]

الله يعطيك العافيه
على النقل

[ابوفيصل]

مشكور
لكن للاسف مكررة

http://www.bani-3abs.net/aa/showthread.php?t=11282

[شهاليل]

حلووووووووووووووووه يعطيك العافيه
ههههههههههههههه