[سعد الشقل]

الجحش

ياسعد يابن الشقل علّم المجنون بوش=علّمـه بالعلـم ولا تـراي اعلّـمـه
هوشنا بالمعركه يختلف عن كل هوش=عبس من درمان لكويت لاواد الرّمـه

بوش

ياسعد ياابن الشقل بلغ عيال الجحوش=بس خله يفهم العلـم تكفـى فهمـه
ادري انه شاعر ما يهوش ولاينوش=والقرار اليوم يلزمـك والا تلزمـه

الجحش

تهضمون الحق ودميكم دائـم تغـوش=زمرة الشيطان واهل الوجيه المضلمه
وآخر الايام مدري نصيبك وش يحوش=خيّب الله من على الباطل يرف اعلمه

بوش

كل مالاحت بروقك يغيبن الطـروش=ياسعـد بأيـا لغـه يفهـم ابكلـمـه
جيت يم ديارك اللي بها ظرب القفوش=ديره فيها عتـام السحـب مترزمـه

الجحش

وجهك من المعصيه ملتوي تقل معروش=واللغات السبع تحتـاج فهـم وترجمـه
جابك الله وانت طامع وتائيه ومغشوش=قطعتنٍ لو ياكلـك فـار ماتمـلا فمـه

بوش

وجهي ابيض وانت وجهك مافيه الا الغروش=وانـت مالـك باللغـات السبـع متكلـمـه
تدري اني جيت طامع وانا ضمن الوحـوش=ودي ان المـوت ياللـي تعرفـه تطعـمـه

الجحش

وجهك ابيض مير مافيه نور ولابشوش=السواد مخيّـمٍ بيـن عظمـه ولحمـه
لو تحشد من الاساطيل وتحشد الجيوش=في عزايمنا سطولك وجيشـك نهزمـه

الموضوع الأصلي: الجحش × بوووش | | الكاتب: سعد الشقل | | المصدر: شبكة بني عبس

[الجحش]

شكرأ على التنسيق ياسعد الشقل بيض الله وجهك

[عبدالباري عبدالعزيز]

جابك الله وانت طامع وتائيه ومغشوش=قطعتنٍ لو ياكلـك فـار ماتمـلا فمـه

(السواد مخيّـمٍ بيـن عظمـه ولحمـه)
معقول الجحش يقول هذا الكلام؟ غريبــــــــــــــــــــــــــــــــــــــــــــــ ـــة
مشكور ياسعد الشقل على هذا الوفاء المستمر