[سعد الشقل]

كحيلان

هلا مرحبا حييت وشلون الأحوال=عسى مايجيك النوم حول الصباحي
يابتال كيف الحال وش حال (بتال)=ليا نسنست فوقه هبوب الرياحـي

بتال

يدوم البقا ياصاحبي تزقـح الحـال=وبالي معك مبسوط فيه انشراحـي
كحيلان شوف الضلع راسي ولا مال=ولو هبت النسمـه بكـل النواحـي

كحيلان

قبل عشرة أيام أصتدم تيس في جـال=نطح له جبل وأوحيت عقبه صياحـي
أبنشدك ويش اللي حصل نصف شوال=عقب ما أختلط صوت العوى والنباحي

بتال

قبل عشرة ايام الحـى دمهـا سـال=في وسط الصداوي صار دق الرماحي
تنشد عسا فالك يجي مثـل هالفـال=وتسكب بعد ضحكه دمـوع النياحـي

كحيلان

علامه جهم ذودك ولا فيه جمـال=أثر ما يغط الجم حمر البطاحـي
ليا صرت لا فارس ولا شبه خيال=أنا طالبك ياطير خشم السماحـي

بتال

يقولون راس السيف من دون رجال=كما البندق اللي دون طلقة سلاحـي
وانا ويش اسوي في صحيبي ليا عال=احطه على الأولى ويرجـع سياحـي

كحيلان

رقاب العدا من عرقها الـدم وشـال=وروس الضباء حول الفجوج البراحي
لو أعرف رقمك وأتصل فيك جـوال=وأعلمك وش فرق المدن والضواحي

بتال

عيون الذيابه تفترس كل الأزوال=ودم الظبي دايم حـلال ومباحـي
لو اعرف عنوانك نصيتك بالأميال=وافهمك دم العرق من وين ساحي

الموضوع الأصلي: كحيلان × بتال | | الكاتب: سعد الشقل | | المصدر: شبكة بني عبس

[بنت العبسي]

الله يسلم يدينك يااااااارب كانت راائعة >>>>>> شافتها قبل شوي
بغيت ادخل اشجعهم امس بس خُفت احد يزعل من تواجدي وانتظرت التنسيق بفارغ الصبر
الله يسلم يدينك يااااااااااارب

[بتاال]

شكرا ياسعد

ودام تواصلك لنا

[عبدالعزيز بن شري]

صح لسانك يا بتال

وصح لسان كحيلان

محاوره راائعه


وبيض الله وجيهكم


ومشكوووور اخوي سعد


على التنسيق الراائع