[عبيد الله دعيع]

ويش الضعيف اللي يجي معترض عرض=مربوط في رجله وياقو باسه
واليارقد يرقد بعيد(ن)عن الأرض=يرفع ابوه وينسدح تحت راسه

اللغز منقول ولغز تحدي للي مايعرفه يالله ياشباب ورونا شطارتكم

الموضوع الأصلي: مربوط في رجله(ممنوع من الحل دايم العز) | | الكاتب: عبيد الله دعيع | | المصدر: شبكة بني عبس

[أبو فايز العويمري]

الاخ الخيال اشكرك جزيل الشكر على طرح هاللغز المليان والصعب ولكن عندي سؤال أنت كتبت اللغز لغز تحدي هل تتحداني أحله

[الوافي ابوصالح]

السلام عليكم
صح لسانك اخوي الخيال وش رايك (بعصا الكبوت)

[عبيد الله دعيع]

العين ماتعلى على الحاجب انت مشرف المنتدى لايمكن أن أتحداك وأنت تخوف وأنا تحديت اللذي مايعرفه مسبقاً وخاصه الشباب
أما الشيان اللي مثلي ذاكرتهم بيني بينك مايحتاجون تحدي ههههههههه أفهمها يابو فايز هههههههه

[%القناص%]

اري التفكير ......................

[عبيد الله دعيع]

الوافي مساك الله بالخير وصبحك بمثله صح لسانك اللغز عندك

[الوافي ابوصالح]

السلام عليكم
اخوي الخيال الله يمسيك بالخير اخي لايحضرني لغز الان ارجو المعذره

[أبو فايز العويمري]

اقتباس من مشاركة *الخيال* الوافي مساك الله بالخير وصبحك بمثله صح لسانك اللغز عندك

اشكر أخوي الخيال على طرح هاللغز واشكر أخوي الوافي أبو صالح على رمعته الصائبه ودايم الوافي رمعاته وافيه والحقيقه أنا اعرف حل اللغز سابقآ وأتمنا للجميع التوفيق