[سعد المظيبري]

يامن دهتنـي عيونـك واحتوتنـي يديـك= الله يسامحْـك كيـف تقـول مـاذا دهـاك
ماتـدري انـي متيّـم بـك وكلـي لديـك = مملوك مأسور مسبـي مستهـام بهـواك
أموت كلي معك .. واموت فيـك وعليـك= واغليك لكـن عسـى الله مايبيّـن غـلاك
واحنّ اليك .. وعليك احـنّ مـن والديـك = ومن لهفتـي عيـن قدّامـك وعيـنٍ وراك
أشتاق لك واشتكي لك منك واشكيك = اليـك كلك ملكني .. وكلك فـي عيونـي مـلاك
جادلك جيـدك جبينـك خنجـرك حاجبيـك= اسمك سماتك سمّـوك سِسْتِمِـك مستـواك
جوريْك جمرك لجينك عسجـدك وجنتيـك = ذرابتِـك رقّتِـك روعـة حضـورك بهـاك
وجهك وهج مبسمِـك بسمَتْـك غمّازتيـك = براءتك .. خالك اللـي لاذ بايسـر شفـاك
سِجِنّجِلِـك جلنـارك نرجسِـك كركـديـك= كاديك مسكك نسيمك شمس صبحك مسـاك
سلهام عينك .. نَعَس طرفك .. حَور مقلتيك = بوهَتْك ملحك حلاتـك خـف دمـك حيـاك
ما اعرف اداري ولا اهدّي ولا امسك بريـك= لاجيت اجي كلي .. وكلي عسانـي فـداك
أقدّم الروح كاش .. وباقـي العمـر شيـك = باسمك مصدّق ولا يصرف لحـيٍ سـواك
يامن دهتنـي عيونـك واحتوتنـي يديـك = الله يسامِحْـك كانـك قلـت مـاذا دهـاك

يـــــــــــــــا سعد

ياسعد وش شاف مجنون ليلى بالغـرام = أشهد انه وان بِلِي بلوتـه يـا هونهـا
ياسعد ليلاه وان مـات فيهـا مستهـام = تدري انه بالهـوى ياسعـد مجنونهـا
المصيبه من غدى ميتٍ لـه كـم عـام = عشقته ماتـدري انـه قتيـل عيونهـا
قرهدت نفسه عليهـا ومـرّ الكبـد زام= ودوك قلبه ياسعـد مزّعتـه طعونهـا
ياسعد والله يالولا الحيا واخشى المـلام= والقرابه والحيـا والهـوى وجفونهـا
لاانهبه وانحاش واجلى جنوب ديار يام = ما يردن لو وقف جيش هتلـر دونهـا
ياسعد راع الهوى بالهوى لاضيم شـام = مايـرده طـول بيبانهـا وحصونـهـا
وان غوى راع الهوى في هواها مايلام = لااجتمع غبن الزمن ياسعـد وغبونهـا
ياسعد هي منوة اللي تمنـى والمـرام= لعن ابو حظٍ قصر ياسعد مـن دونهـا
أسمع الرعـاد واخيـل بـراق الغمـام = بس مادري ياسعد وين وبـل مزونهـا
وياسعد والله فلا اسلى هواهـا لاحـرام = لو يلوح الشيب في لحيتـي وقرونهـا
وخذ وصاتي ياسعد وصلّه بنت الحشام = ذي وصاتي كان غيري غدى مظنونهـا
لا شرت ثوب الفرح تشتري لي باع خام = يدفنونـي ليلـة العـرس ويزفونـهـا

واوجودي كلما شفت زولـه مـن بعيـد = وجد مَن مِن زود مابه غبن عاف الحياة
ووجد من صلى على امه وابوه بيوم عيد = يوم صلى العيد مـد الجنايـز للصـلاة
ووجد عودٍ قيّـدوه العساكـر بالحديـد = ذابحٍ له نفس من دون عرضه والبنـات
واصغر القصّر بلغ ما عفا راسه عنيـد = أقشرٍ لاجاه جاه العـرب قـال الصفـاة
ووجد مجدور العرب بالخلا خلي وحيـد = بعنّته مـا حولـه الا الذيابـه عاويـات
ووجد رجْل اعمال عقب المعزه والرصيد= فلّس وحلـت عليـه العطيـه والزكـاة
أتوجّـد وادري ان التـوجّـد مايفـيـد = وجد مَن مانال شفـه ولا حصـل نجـاة

قلت : حق ... وقـال :: لابالله زيـف= قلـت : عنـدي مايـبـرر موقـفـي
قال :: كيف ؟ وقلت انا له :: كيف كيف = بعـد ذا المـده تقـول انــك وفــي
زل صيـف وزل صيـف وزل صيـف= مـن ثـلاث سنيـن وينـك مختـفـي
رحت أدور عنك مـن بيـش لطريـف = ودجت نجد مـن الهفـوف ليـا نفـي
كنت طيف وجيت طيف ورحـت طيـف = والامـل لا طـال شمـعـه ينطـفـي
قال احبـك قلـت حبـك حـب حيـف = مااقبلـه لـو كـان حسنـك يوسفـي
مامعـي للحـرب لاحربـه وسـيـف = مـن غرابـيـل الليـالـي مكتـفـي
وعطر باريسي وساعـة مـن جنيـف = ماتـفـيـد ولا تـغـيـر مـوقـفـي

وفي الختام /// انتظار ردودكم

الموضوع الأصلي: قصائد الشاعر : خليل الشبرمي التميمي ///حامل البيرق | | الكاتب: سعد المظيبري | | المصدر: شبكة بني عبس

[نديب العويمري]

ياسعد راع الهوى بالهوى لاضيم شـام=مايـرده طـول بيبانهـا وحصونهـا

لاهنت أخوي سعد على نقللك قصائد شاعرالمليون لهذه السنه

[زهو الايام]

صح لسان الشاعر ..

مع اني غير معجبه بالشبرمي... بس محد ينكر جزالة قصيده

ويعطيك العافيه

[سعد المظيبري]

نديب+ راشد+ زهو الايام = يسلموووووووووووو علي المرور

اختي زهو الايام رايج علي عيني وعلي راسي <<< ولكن الشبرمي شاعر جزل بكل ما تحمله الكلمه من معنا