[خالد بن سكران]

السلام عليكم

صبحكم الله بالخير جميعااااااا يا المناعير الكرام

واتمنى ان الله بوفقكم في هذا الصرح الشامخ

اولا : يشرفنى ان اكون احد اعضاء الصرح الشامخ منتدى بني عبس

ثانيا: هذى مشاركه اولى واتمنى تجد القبول

لا ترفع الصوت قصّر صوتك العالي = ما فيه داعي تخرّبها وأخرّبها
مدام هذي سواتك ليـه يا الغالي = أتعــب خفوقي وروحي فيك أعذبها
رح فـي كرامة وأنـا بروح بلحالي = مدام نفسـي عــن الزلّــه مجنبها
ومدام تدرى عن اللى صار وأحوالي = بلاش قصّتك بالأعذار تكتبها
الناس واجد وفيه ألوان وأشكالي = في مشرق الأرض وإلا حول مغربها
دور وتلقــى حبيــبٍ فيـه تحتالي = المسئلــه هيّنــه بالــك تصعبها
سوق الغلا لا دخلت بروس الأموالي = نفسي على الغاليه دايم مدربها
عارف مخارج طريقي قبل مدخالي = مثل القصايد على كيفي أرتّبها
من باعنى وأستمع في هرج عذالي = ينباع برخيص وحروفه اشطبها
عزيز نفس وصميدع نسل رجالي = مانى ســوات الذليل ..النفس متعبها
شعيــل لامن برك للحمل يشتالي = وناقة عريمان مافادت معزبها
لا ترفع الصوت يكفى منك غربالي = فتّح عيونك عدل بالك تكذبها
أن كان زينك عطاك الصك بأهمالي = ترى محاكيك لا كبرت يخربها

وسلامتكم

خالد بن سكران

الموضوع الأصلي: (( مافيه داعي تخربها وأخرّبها )) | | الكاتب: خالد بن سكران | | المصدر: شبكة بني عبس

[بنت العبسي]

.. : خالد بن سكران : ...

أولاً : مرحباً ألف بكـَ بيننا

ثانياً : ألف شكر لمنحنا فرصة قراءة كلمات رائعة جداً



... : صح لسانك : ...

فقد استمتعت كثيراُ بقراءة صرير قلمك بين طيات هذا المتصفح

وننتظر جديدك بشغف

[سعد بن عادي]

أخوي خالد

أولا . نرحب فيك ونحييك


ثانيا مصافحه أولي مشرفه وجميله جديا

وننتظر منك المزيد

وياهلا ابك

ودمتم كما تحبون

[فيصل م الرشيدي]

خالد بن سكران


يامرحبا

وحي القصيد واهل القصيد



نوّرت المنتدى طال عمرك


والقصيدة انا صافحتها بمكان ثاني


واصافحها هنا للمرة الثانيه


صح الله لسانك ملايين ولاهنت يالغالي



تقبل مروري

دمت بخير

[سعد الشقل]

حيالله الشاعر خالد بن سكران

واسعدنا انظمامكـ الى هذا الصرح الشامخ

وصح اللسانكـ على القصيده الرائعه ولاهي غريبه عليكـ

[شيطان الشعر]

صح الله لسانك
تقبل مرورى

[مرزوق العجوني]

صح لسانك اخوي خالد ولاهنت على الرائعه تقبل مروري وننتظر منك المزيد

[بدر نوران]

:
:


وعليكم السلام ورحمة الله وبركاته

ياهلا ومسهلا ... حياك الله يابن سكران
نور المنتدى بتواجدكـ ...

وصح الله لسانك مدد بلا عدد على هذه الرائعه
والمصافحه الاكثر من جميله ..

اعجابي
و
خالص تقديري

أخوك
الوافي


:
: