[قسورة الغاب]

مصفي المرح

تعال يالقسورة عندي علوم وعلـوم

اعلومنا الغانمه كان أنت فاضي شغل

القاف من بيننا لاتروح وانت امهموم

الي على بينة يرسي سوات الجبـل

القسوره

وشلون صدقك ياكذبان وانته هيووم

الكذب يالصاحب الكذاب ماله رجـل

اضنك ابنيتن قشرا وقلبك ظلـووم

هوو ليه ماتصلح النيه وتمشي عدل

مصفي المرح

العام يوم أنت واقف بيـن صـف القـروم

ان رحت وان جيت تمشي مثل مشي الجمل

ابنيتك تحسبـن ان الصـدق فـي معـدوم

وان مصلحت نيتك يبغـا يطـول الجـدل

القسوره

العـام ياشيـن لبستـك جــداد الـهـدووم

واليـوووم اشووفـك تلبـس باليـات الهمـل

انا احسب انـك رجـل واثـرك مالـك لـزووم

ان رحت وان جيت ماتسوا قشوور البصل هههه

مصفي المرح

لاوالله الى حداك الخوف دون الرجوم

وأنا احمد الله على كل المعاني جزل

لاتوطي ارفع لاعلك كل يوم محشوم

لاتثبت انـك لياغنيـت مامـن عقـل

القسوره

لاتحسب انـي ماعرفـك يـاردي العـزووم

يكفيني اني لاجيت احملك بالحمـل هههـه

انا سـوات البـدر لابـان بيـن النجـووم

والا انت مسكين لاصاحي ولاهوو خبل هههه

مصفي المرح

لاوالله انك من اعلوم الصحيح امحروم

والحمل لاعاد تهرجبه وحملـك دبـل

اثرك مثل البدر ترسل شعاعك سهوم

متى على الله فرحك ايطق فيه الطبـل

القسوره

انا حشمت الربع والا انت مانت محشووم

لكـن حـب العوافـي لاحـب الـرمـل

انا بدر وانت من كل اتجـاه امخـرووم

تذووق رمع المطنا مثـل ذووق العسـل

مصفي المرح

ياضيق صدرك على اصحابك نهار الزوم

ابطيت اجاملك حتى انك قطعت الامـل

هلحين بدل عن اهل الطيب يـم ارخـوم

القسـورة يحسبنـه كاسـبـن بالـبـدل

القسوره

البوووم مثلك ترا مايشجعه غير بووم
=وشلاش شجعك لان شلاش مخه قفل
من العام وانته من علووم الرجال امعدووم
=وانا ماصاحبك لين انك تعود رجل

الموضوع الأصلي: تنسيق محاورة القسوره ومصفي المرح | | الكاتب: قسورة الغاب | | المصدر: شبكة بني عبس

[مصفي المرح]

الله يعطيك العافية .. لوكان بيتك الاخير ماكان بالشكل هذا .. عدلته بعد مضي 48 ساعة على المحاورة

[قسورة الغاب]

لا والله هذا هووو بس انت مغيم البارح ماتري وشيقالك ههههه

ذكرني كيف كان وانا اعدله لوانه علي شانك

[الخشف]

هلحين بدل عن اهل الطيب يـم ارخـوم

القسـورة يحسبنـه كاسـبـن بالـبـدل

الله الله ... الله الله ... ياااا سلام يا سلااام ... عليك يا مصفي المرح مبدع
صح السنتكم جميع لا هنتوووووو

[قسورة الغاب]

حياك الله يالحربيه وصح ابدنك مرووورك زين بالاسمين

[مصفي المرح]

اقتباس من مشاركة الخشف هلحين بدل عن اهل الطيب يـم ارخـوم القسـورة يحسبنـه كاسـبـن بالـبـدل الله الله ... الله الله ... ياااا سلام يا سلااام ... عليك يا مصفي المرح مبدع صح السنتكم جميع لا هنتوووووو

صح ابدنك واعتلى شانك

[قسورة الغاب]

اشكركم عي المروور
لاهنتم

[شلاش]

صحت ألسنتكم جميعا"