[أبوفهيد977]

متى علي الله نفارق راس تنوره= الديره الى تضيق صدر راعيها
من قبل لاشوفها والعين مسروره= ومن عقب ماشفتها هلت عباريها
سته شهور وانا محجوز بدوره =احسب الايام وعدد لياليهــا
ياعين لو تذرفين الدمع معذوره =ابكي على ايام حاضرها وماضيها
ياعل ديار تربه بسيل ممطوره= الديره الى يتل القلب طاريها

الموضوع الأصلي: قصيدة راس تنوره | | الكاتب: أبوفهيد977 | | المصدر: شبكة بني عبس

[سعد بن عادي]

أخوي ابو فهيد نقل رائع

وسمعت القصيده با الصوت في مقطع

وهناك من قال القصيده للشاعر رشيدي

والبعض قال عكس ذلك

عموما استاذنك بتسيق القصيده

والقصيده معبره ورائعه

وجديدك يهمنا

دمتم كما تحبون

[حادي الجبيل]

اقتباس من مشاركة أبوفهيد977 متى علي الله نفارق راس تنوره= الديره الى تضيق صدر راعيها من قبل لاشوفها والعين مسروره= ومن عقب ماشفتها هلت عباريها سته شهور وانا محجوز بدوره =احسب الايام وعدد لياليهــا ياعين لو تذرفين الدمع معذوره =ابكي على ايام حاضرها وماضيها ياعل ديار تربه بسيل ممطوره= الديره الى يتل القلب طاريها

أرجو نسبة القصيدة إلى قائلها لأن في ذلك حفظا لحقوق الآخرين .

أرجو من المشرف المحترم متابعة الكتاب في هذا المنتدى وخاصة ابن جحيل الذي يحب الهوش والمهاوش ؛ لحذف المشاركة التي لاتعجبنا ــ حسب المفاهمة ـــ .والحر تكفيه الإشارة .

[أبوفهيد977]

اخوي سعد بن عادي فيه قصيده تشابه هذا القصيده حقت شاعر رشيدي تقارب
القصيده هذي اما القصيده هذي منقوله ولا اعرف عنها شي

[مسلم عربي]

مشرف منتدى الشعر الشعبي الاخ الفاضل سعد بن عادي القصيدة قائلها رشيدي وسوف ابحث عن قائلها
شكرآ لك

[فيصل الرشيدي]

صح لسان الشاعر وتسلم يمين الناقل

بخصوص قائلها ... بنظري انه بقمي .. خصوصا انه ذكر تربه وتربه الي اعرفه عنها ديرة بقوووووووم

وان شاء الله اخوي سعد ابن عادي ما بيقصر

[ابن جحيل]

اقتباس من مشاركة حادي الجبيل أرجو نسبة القصيدة إلى قائلها لأن في ذلك حفظا لحقوق الآخرين . أرجو من المشرف المحترم متابعة الكتاب في هذا المنتدى وخاصة ابن جحيل الذي يحب الهوش والمهاوش ؛ لحذف المشاركة التي لاتعجبنا ــ حسب المفاهمة ـــ .والحر تكفيه الإشارة .

اخي حادي الجبيل يقول شاعر عبس سعدان بن عابس القعبوبي
موجهة الي حمد بن حميد الذيابي

ياهلا باللي حديثه وشوفه لي غذا =هو غذا روحي بروحي ومعنى راحتي
الصديق الصادق الود طبعه هكذا=منكرٍ سبابتي مكرمٍ مداحتي
في زمانٍ صار فيه الصديق أكبر وذا=ليانجحت ألقى العذاريب فيه نجاحتي
إن سكتت من الأذى وإن حكيت من الأذى = بالمذمًة وصل حتى خرز مسباحتي
وأنت يا من طيب طاريك من طيبك شذا = عطرتني منك الأفراح وأنت فراحتي
ياصديقٍ كم عطاني ولكن ماخذا=مني إلا مانوى به يزين ساحتي
ياحمد طيبك وطاريك لأمثالي عذا=ولا رجح ميزاني إلا ومنك رجاحتي

ويقول ايضآ:

ياقو صبرك على جور الزمان وظلم الأصحـاب =وياطول بالك على من غيـر الواقـع سلوبـه
في وقت فيه التدني والجحود وصكة iiالبـاب =والزيف والزور والبهتـان والدنيـا iiالكذوبـه
ياصاحبي والحياة بلا تجـارب مثـل iiالألعـاب= للجاهل اللي نسى الحسنات نسيانـه iiذنوبـه
لكن دروس الحياة من الحياه أحداث iiوأسبـاب =صكات الأيـام لأحـداث المقابيـل iiمحسوبـه
للصبر مبدا وعلم الصدق يجرح كـل iiكـذاب =والفرق معروف والصبخا ماهي مثل iiالخصوبه
مايتفق حق مع باطـل ولامـدرك iiومرتـاب =والحق مايلبس المخلوق ثـوب غيـر iiثوبـه
والناس تخطي وتستغفر ورب النـاس تـواب =ولايحسد الخنصر البنصر على دبلـة خطوبـه
واللي يغني بطاروق يتيـم بـدرب iiالأشبـاب= قافية القاف وقفتهـا علـى العاجـز iiعقوبـه
مثل الذي له حضور(ن)في غياب الغير iiيغتاب =وفي موقف الصدق مايدرك لقـاه ولاهروبـه
ياناسي الطيب حتى للنهار حضـور iiوغيـاب= ولولا الكدر والهماج الماء نسى معنى iiالعذوبه

ويقول ايضآ:

أنا ياذاك عـن تفكيـرك آهـل= وعارف وين شبحك با لشواهل
وكم تخطي وكم كنت أتغاضـى =وأرد أنصحك وأمهل لك وأماهل
على الهفوات مانفسي حريصة= وأنا من منهل أهل الطيب ناهل
اسكاتي عنك زاد ابك التمـادي= وغرك يوم انا معـك متساهـل
تغاضيت أحسبك يـاذاك تفهـم =لكنك في ذهول الـذات ذاهـل
أعرف أنه يغيضك طول بالـي= وفي نفسك هواجيسن دواهـل
فلا تقـدر تهـد الـي بنيتـه =ولانت بما تريـده فـي واهـل
شموخي لاتطـول ولا تطولـه= ودونه يزهلـك بالغبـن زاهـل
نعيق البـوم ماهـز الشوامـخ =ولارد الـورود عـن المناهـل
تسوي لك حضورآ في غيابـي =تحسبنك كبرت وصرت عاهـل
ولكنـك صغيـر بكـل معنـى= اراك بمدهـل التغريـر داهـل
تعيش أوهام تحسبهـا حقيقـة= وتفكيرك من الأ وهـام راهـل
تخالف واقعك في واقع اصعـب= بهذرك وشتكت منك الكواهـل
مغيّـب تستغيـب بمـا تقولـه =فقد فمك الصراروصـار باهـك
لاكن صوتك مـداه لسامعينـك= نكور وصوتك انكر منت صاهل
حضورك فيه مايلغي حضـورك= وتصنيفك عن أهل العرف جاهل
أجل ماعاد لـك يـذاك عنـدي =سوى كسر اعتبـارك بتجاهـل

ويقول الشاعر ( ابوجمال ) سارح بن فرحان ابن جحيل

والله يالـولا ثــم لــولا ولــولا =انـي لخليهـا علـى كيـف ماريـد
لاكـن هـذولا موقفيـنـن هــذولا= وصار الطريق اليـوم كلـه حواسيـد
واليابغيـت اجيـك دونـك يـحـولا= ناسـآ تقـل معهـم علينـا مواعيـد
ويمشـون ويقولـون قـال ويـقـولا= ويكثرون اعلـوم مـن غيـر تأكيـد
وانا تـرى يالعـذب رجـلا خجـولا= اخشى كلام الناس وخشـى المناقيـ
د واخشى من اللـي مامعاهـم عقـولا= ومحاش قلبه صار بفمـه كمـا الديـد
وايضـآ لاياسولـف يحـط الحمـولا= وسوالـفـه تلقابـهـا ذم اجـاويـد
لاكـن تـرى قلبـي لفكـري دلـولا =وماضاع عن فكري ترى القلب له قيد
ولا اسمع والاطـاوع لعـذل العـذولا =ومهما يزيد القول قاسـآ كمـا الحيـد
ولاتحسبنـي عـنـك ادور بــدولا= والله مالي شف غيـرك مـن الصيـد
ومهما حصل مهمـا افراقـك يطـولا =ما رايح انسى عهد ماضي ضحى العيد
يابو عيونـآ سـود تزهـا الكحـولا =خلك على عهدآ مضـى اوبعـد زيـد
ولا تستمـع لعلـوم نـاس نــذولا= نـاس تـرى يسعـو لنـا بتناكـيـد
خلك معي بقسـى الشدايـد صمـولا =حتى نشيد قصـر الاحبـاب تشييـد
ولازم تجينـا بعـرض والا بطـولا= ونحـدد الخطـة لمـا نريـد تحديـد
ونجول في ريضان حـب ونصـولا= ونسكن ضواحي الخد والنهد والجيـد
ونفـرش ونتلحـف جديـل مهلـولا =اسود تقل ليـلا كسـاء قايـد الغيـد
ولولا الحيا ء لتخض اهلهـا الخيـولا= ومن اجلهـا لنكـرر الغـزو ونعيـد
ونطلـع لهـم فوقـآ وننـزل نـزولا= حتى نجردهـم مـن العـزم تجريـد
لاكـن حيانـا ردنـا لـلا اصــولا= بشيمة عرب ويزيدنا الطيـب تمجيـد
ولولا الحياء اللـي زاد ثقلـي ثقـولا= لحط فـوق احمـد حميـدان وحميـد
حتـى يجـي ذولا غنايـم لــذولا= وان سكن اصحاب الفللا جرهد البيـد
ونسكـن مساكنهـم وذيـك الفـلـولا =ونبـرد بذيـك الفلـل حلـو تبريـد
لاكـن شيمـنـا علمتـنـا نـقـولا= زيد الوفاء لاهل الوفـاء والصناديـد
وختامـهـا والله يـالـولا ولــولا =اني لامشيهـا علـى كيـف ماريـد
حتـى هـذولا يساعـدون لـهـذولا= في زرع دربي ورد بعـد الحواسيـد

وهناك قصيدة لشاعر عبس سعدان لم احفظ منها سوى ( تواصوا علي اعيال مغرم من ام اغريم )سوف ازوك بها بالقريب العاجل ان شاء الله


اخي (المسلم للمسلم كا لبنيان المرصوص)
لماذا هذا التحيز انت وسعد ابن عمك هل المنتدى مخصص لكم ام انه لابني عبس عمومآ ( انت شاعر عبس وسعد شاعرعبس بس هل العقلاء والمطلعين يرضون او يطالبون بمايثبت ذلك عمومآ اعتقد هذا الذي يرضيكم وياويل الي يعارض او يطلب اثبات )اونظرتكم انتم الكل بالكل من الافضل ان تتجون الي تطوير المنتدىوالدفاع عن القبيلة افضل من الحساسيات الداخلية التي لافائدة لكم منها سوى التعب وانتقاد الاخرين لكم لان المطلع والعاقل مهما سطرتم وظللتم لاتخفى عليهم الحقائق (لايصح الا الصحيح )

هذي سياسة عقيمة عمياء

المهم لعيونك يابن عمي علي شان مدحك لي او انت من الجماعة اسف اسف تستاهل موضوع رائع يستاهل التثبيت اخي بيني وبينك لاتعلم احد ترى عندي صلاحيات كثيرة بس قلي من اللي مايعجبك من الاعضاء ورايح اسلط علية الضوء وتلاعب بمواضيعة ومشاركاته يعني اطلع روحة وانا ولد عمك هههههههههه اقل شئي رايح انقل موضوعة من الصفحة الاولي الي الصفحة رقم 15 طريقة حذف مبتكرة حتى لايتهمونني بتواطي معك انا اتابع مواضيعة بمااني مشرف لايهمك حتى مواضيعة مارد عليها ياخي من كرهي له وعلشانك ههههههه وبعدين ماعليك انا رايح انقل صورة سيئة عنه لدي الجميع بحكم علاقتي وموقعي ...المهم لاترسل رسائل خاصة ترى مكشوفة من الجميع بيني وبينك التليفون حسب المفاهمة

دمتم كما تحبون

[أبوفهيد977]

شااااااااااااااااااكر لكم اخوانى على المرور الرائع ويعطيكم الف عافيه