[العريض]

عذبتنـي بالصـوت ياللـي تجـرّه
وش حاجتك بمولع القلـب تشقيـه
كان الزمان الشيـن مسقيـك مـرّه
انا شربت المر لـو كنـت كاميـه
يامـا تلقينـا علـى حيـن غـرّه
طعنت حبيب(ن) ماضي الحب ناسيه
منـهـا نـقـول الـوقـت لله درّه
يكشف لنا اللي بعض الاحباب يخفيه
ما شاف من ذاق الهوا مـا يسـرّه
حتى لذيـذ النـوم مايهتنـي فيـه
تلقى لـه بـدرب الغرابيـل جـرّه
واللي يسلي خالـي البـال يبكيـه
اللي بوصله شفـت منْـه المضّـره
بعد المفارق يجرح القلـب طاريـه
يخطي ومـن حبـه عليـه اتشـرّه
اشره عليـه و لا تفيـد المشاريـه
و ارضى بما يرضيه خيره وشـرّه
اثـر الغـلا لا زاد بالقلـب يعميـه
لو انه ابعـد مـن نجـوم المجـرّه
بعض الغلا مايقدر الوقـت يمحيـه
ليت الغلا الـي مـر قلبـي يمـرّه
ويذكّره حب(ن) من العـام ناسيـه
او ليت في صبر(ن) صبرته مبـرّه
يمكن يطيـب القلـب ممـا يعّنيـه
الجـرح مابيـن المحانـي مقـرّه
ليت السبب في جرح قلبي يداويـه
والشوق لـو تخفيـه مـرّه ومـرّه
تبيـن بعيـون المولّـع مـواريـه
والصبـر لـو تاليـه مثقـال ذرّه
اليوم من جور الزمـن راح تاليـه


م
ن
ق
و
ل

الموضوع الأصلي: $$ الصبرلوتاليه مثقال ذ ره $$ | | الكاتب: العريض | | المصدر: شبكة بني عبس

[عبدالعزيزعلي]

ابيات رائعه
مشكوووور
حجاج ع النقل
تقديري
:

[الشاطئ المهجور]

ابيات رائعه
مشكوووور
حجاج ع النقل
تقديري

[العريض]

اقتباس من مشاركة عبدالعزيزعلي ابيات رائعه مشكوووور حجاج ع النقل تقديري :

شاكرا لك مرورك الكريم لاهنت

[مرشدالمظيبري]

ابيات رائعه
مشكوووور
حجاج ع النقل
تقديري

: