[مرشد ابو تركي]

السلام عليكم :

اعضاء وزوار قلعة المجد والتاريخ اضع بين ايديكم احد قصائدي واملي ان تحوز على رضاكم



ياهجوسي حضري واردي على باب الكرامه=
........................ ساعديني ياهجوس الشعر من باب الحميه
ودي اخبر زميلٍ خصني باخر كلامه=
............................ محترم والمحترم نبغى نزود له شويه
ان وقفنا كاسبين الطيب من ذروة سنامه=
............................. يعتزي فينا ليا جاته ضحى والا عشيه
ياعجايب ياعجب وشلون بينت الملامه
................... =والسهوم اللي تجي من صوبنا لاساع حيه
لو تهز الراس حنا نعرفك يا ابو دلامه=
............................... عيدو عيد رمضان وعيدو عيد الضحيه
والجمل زومان مدرب على طبع الزعامه=
......................... يرتكي للحمل لامن شال وعزومه قويه
والشعر مانجهل طروقه ولا نجهل نظامه
....................... =نشتري ونبيع كاش ولا طلبناها هديه
وان بغينا نبدع الامثال غني ياحمامه=
................................ بالحون الحانيه ولا الحون الاوليه
مير هد اشوي لاتاقف على ريع الندامه =
............................ والله انا مانريد نجازي الحسنه بسيه
سير بالاوطان من تيما ليادار اليمامه
...................... =وفهم لغات الرجال اللي يحمسون الشويه
الرجال اللي من العارض الا ديرة تهامه=
...................... صك راسك بالسراه وصك راسك في طميه
بعد صكات الجبال يبين في راسك علامه=
........................ من صواديف الزمان اللي بعض منها خفيه
ماتعلم بالدروس الا بعد دفع الغرامه=
......................... لاتحسب المعرفه تاتيك من باب العطيه
الدحم الدنيا بمتنٍ مايعرف الانهزامه=
........................ كان تبغى تروي الضميان من جال الركيه
قالها اللي سج رجله بالوطن شرقه وشامه=
................... اشترى بسوق الهفوف وباع في سوق الحويه

الموضوع الأصلي: سير بالاوطان من تيما ليادار اليمامه | | الكاتب: مرشد ابو تركي | | المصدر: شبكة بني عبس

[Д฿ŜĬ]

بوحكـ جميل,,ونزف قلمكـ رائع..فاح عطر الابداع
من بين حروفكـ..
اخوي مرشد,,أهلابكـ في سماءشبكة بني عبس نجماً مضيئاً..
دمت مبدعاً

[ذرا عبس]

صح لسانك ولافض فوك ..

[عيد الداموك]

صح لسانك يا ابو تركي

ننتظر جديدكــــ وتقبل مروري

[مرشد ابو تركي]

Д฿ŜĬ,
صح بدنك يالخياري وبارك الله فيك

[حلوة المشاعر]

صح لسااااااااااااااااانك

[احمد منيف]

صح الله لسـانك اخوي ابو تركي قصيدة ماطلعت الا من شاعر جزل ..

لاخلا ولاعدم

يابعدي

[كحيلة]

صح الله لسانك أخوي مرشــد..قصيدة طيبة راااااقت لي بالحيييل..
مشكووور...ولاخلا ولاعدم..