[أبونواف]

أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّ بْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوىولا ادري ويش اسوّي فيك
نعم .. صارت معزّبتك .. ولا صارت معزّبْتي

كذاشاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا ... تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولاتسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـايرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبهاشوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّيلك بفـن الضـرب موهبْتـي

صحيح انك بتملكها ومعـك الصـك بالتمليـك
واناعارف حدود الله ومـن حقـك معاقبْتـي

ولكن قلّها المجنـون وصّانـي وهـويعنيـك
يقول انّـه بينتظـرك ولـو شيّـب وشيّبْتـي


منقوووووووووووول

وتقبلو اجمل تحيات اخوكم / أبو نــــــــواف

الموضوع الأصلي: شـاعر يحـضر زواج حـبيـبته | | الكاتب: أبونواف | | المصدر: شبكة بني عبس

[سالم الزير]

ول لو ماجت افضلها بس تستاهل وش موديها لزواج

مشكووووور يابو نواف

المهلهل

[سعد بن عادي]

أبو نوف نقل رائع بيض الله وجهك


دمتم كما تحبون

[عابد الرشيدي]

ابو نواف يعطيك الف عافية على هذا النقل

وهو يستاهل وش موديه للعرس

[الهنوف]

مشكور ويعطيك العافية على النقل ووفقك الله..

دمت بخير
أختك الهنوف

[أبونواف]

مروركم منور