[الحر404]

السلام عليكم ورحمة الله وبركاته

شلونكم شخباركم انشاءالله الكل مرتااح


قيل هذا الشعر عندما فارق الشاعر بن خاله

الشاعر فايز رواف الرسلاني

فكتب هذه الابيات :

يافهد من بعدك انا مدري وشلون ........... اعيش في دنيا غريبه لحالي
ياليت مثلك بالبشر الف مليون ........... ارجع واكرر لكل واحد سؤالي
خلاص عزمتم يعني تشدون ........... يم الرياض العاصمه ياولد خالي
يافهد من عقبك الشوارع ماهي لون ........... كل الشوارع تنقلب ربع خالي
مجنون انا انساك مجنون مجنون ........... ماانساك لو يشيب راس اصغر عيالي

يوم السبت اختباري

انشاء الله يوم السبت اختباري بغيب عنك ياغالي اعذرنـي

والله غصب عني مو باختياري هذي ظروفي لازم تتحملنـي

أنا أتعذب بفرقاك وأنت داري والدقيقه بدونك دهر يتعبنـي

أكيد انك حاس بعذابي وناري وحاس بعذابك اللي معذبنـي

من سبة الطب هجرت جاري وأصحابي محد منهم يذكرنـي

الطب ضيع فيني كل أفكاري دايماً اختبارات والله يصبرنـي



أنا كل ما أخلص من اختبار ألقى قدام عيني اختبار ثاني

تعبت من المذاكره ليل ونهار نسيت الحب والحب نساني

وأصحابي يقولون عني غدار يقولون اني بعتهم واني أناني

مايدرون عن اللي فيني صار واني من الطب بالحيل أعاني

الحمدلله أنا راضي بالأقدار مجبور أصبر على اللي جاني

يالله عن اذنكم وراي مشوار عندي اختبار السبت الثان



وسلأأأأأأمتكم
اخوكم\\الحّ ـرـر404

الموضوع الأصلي: قيل هذا الشعر عندما فارق الشاعر بن خاله \\يافهد من بعدك انا مدري وشلون ........... اع | | الكاتب: الحر404 | | المصدر: شبكة بني عبس

[مرزوق العجوني]

صح لساانه ولا هنت على النقل

[مروان الرشيدي]

صح السان شاعرها


لاهنت يالحر مميز دائما

[الحر404]

اقتباس من مشاركة مرزوق العجوني صح لساانه ولا هنت على النقل

صح بدنك ولانت وبيض الله وجهك على المروور

[الحر404]

اقتباس من مشاركة مروان الرشيدي صح السان شاعرها لاهنت يالحر مميز دائما

وصح بدنك يا الغلا ولاهنت ألمميز مروورك ألطيب يا الغلا