[abu eessa]

محمد الردعان

انا ما عرف ألا سعود الله يبارك في سعـود

وان قالوا اي سعود قلت اعني سعود العبدلي

ياقف على راسي ويومي فوق راسي بالعمود

يمسي وهو مرتاح باله مير يصبـح مبتلـي

سعود العبدلي

لاقالو العربان ويش العود قلت العود عود

عودٍ كبير وقدره اكبر لابعيـر ولاطلـي

عزّالله اني خابرك مثل القديحه والزنـود

بين المضّحى والمعشّى نار والقدر يغلي

محمد الردعان

مانيب ضايق لو يلوح البرق وتحن الرعود

وما هوب جايز ياخذ التالي مكان الأولـي

عز الله انك شاعرٍ معروف وتحل العقـود

انته قنعت بمنزلك وانـا قنعـت بمنزلـي

سعود العبدلي

حنا ندوّر زودها ميـر النقيصـه ماتـزود

وانته ليا حصلت فيها نقص كمـل مايلـي

العام يوم اشريم ينفخ جمرته في راس عود

لاقلت ياعبس افطنوله قلتو المخرج ملـي

محمد الردعان

يااهل العلوم الطيبه لا تقلبون البيض سود

احترت فيكم ما عرفت الشافعي والحنبلي

مافيه مشكل بالنزول المشكله عند الصعود

والطيب اللي لا عتلينا فالطويلـه يعتلـي

سعود العبدلي

ماانته مكلّف يامحمد فالصوادر والـورود

انته نصيبك فعملك وانا نصيبـي فعملـي

تبا توصّيلك موصّا من جدود ليـا جـدود

طرّف علوم مسيلمه عن علم ابوطالب علي

محمد الردعان

انا ضميري حي ماعمري تعديت الحدود

والله بلاني فالحموله عقب ماضاع جملي

الكايده راس الجبل ولا المساري ماتكود

علم جهينه يا سعود العبدلـي ولا بلـي

سعود العبدلي

الليله انته كبدك الحمرا مهي مثـل الكبـود

وانا على بعض العلوم اجهل وياشين اجهلي

كلن يمد الحبل مير الحبل ملـوي ومعقـود

والي تمرّح يامحمد فالخـلا ماهـو خلـي

محمد الردعان

حنا نبي ذيك الليالـي والليالـي ماتعـود

لو كان عادت كان بن ردعان ما جاله حلي

عز الله انك يا المطيري لا محب ولا ودود

تاقف على راس الصحيفه لين تفليها فلـي

سعود العبدلي

من خلقة الله كلّكم شجعان مافيكم شرود

حتّى الغمامه غمّها معكم نهار وينجلـي

حنّا عرب نصحالها لاغافلين ولارقـود

مافالدّيار المشوكه طعمة عسل يالعيسلي

الموضوع الأصلي: سعود العبدلي ومحمد الردعان | | الكاتب: abu eessa | | المصدر: شبكة بني عبس

[ناصر الخياري]

تسلم ..........

[قسورة الغاب]

هههههههههههههه تسلم تسلم ياركن عبس
وصح اللسان ابن ردعان عسي الله يطول بعمره بروفسوور محاوره مافيها كلام

[abu eessa]

شكرا لمروركم على موضوعي وهذا شرف لي ووسام على صدري