[الـمضيبري]

ـألسلام عليكم ورحمة الله وبركاته

آخواني اعضاء منتدى شبكة عبس

هذه القصيده لشاعر الكبير

بذر بن معاود بن سحمان المضيبري الرشيدي

وهي إهداء الى رابطة عبس العالميه

يــاجبال عبــس الشامخـات الطــويلات=الــرابطه فـوقك يــرفرف علـــمها
نفــخر إلــيا شفـــناه مـن فــوق أبانــات=وعصـــاه بيـــدين الــدويله لـزمها
بســـم قبيـــلة عبـــس رمــز البطـولات=مرفــوع راســه والـقبيله خـدمها
مــــن شـــانها يقطـــع بعيد المسافات=ومن شان جهــده فكرتــه نحترمهـا
يمشـــــي علـــى وضــح النقـاء والمـروات=والنــاس والـله مـاتجاهــل شيــمها
قالــــه وقالـــه خمــس مــع عشر مرات=كلمة عرب ماهي سوالف عجمها
وعـبـــدالـله الدكـــتور شـــال الثقيلات=غامـــر على شيل الحمول ودحمها
بجـهــــودٍ أقــــوى مـــن جبــال السروات=ومــن هــيبته قـام يتقادح رضمها
مــفـــاخــره محـــفوظـــةٍ بالســجلات=وعاشـت يمـينٍ مــاتــــوانــا قلمهــا
وأسد كسلا شوفوا أسمه على الشـات=والصـــوره الــي جعلنـا مانعدمها
مــبروك أهــو مـــبروك وأفعـــاله أثبــات=اسمٍ علـــى مسـمـى وثــبت قـدمها
مواقفـــه تبقــــى لـــلأحيـــاء والأمـوات=مـــثل القصـور العامره مانهدمها
سيـــروا ويحفــظكــم رفيــع الســمـوات=الي حفظ يوســف ونفسه عصمها
والـــي جمــــعنا اليـــوم بالحفل بالـذات=نرفـع لـه البـيضـــاء بعـــالي قمـمـهــا
يعيـــش ابــوطـــارق سـلـــيل الحنــــيات=نــاره علــى درب المــراجــل شعمها
مـــن روس ربــــعٍ ينــطحــون المـــغيـرات=وعلى قصيـدة حرب نبـــا نخـــتمها

الموضوع الأصلي: قصيده اهداء الى رابطة عبس العالميه | | الكاتب: الـمضيبري | | المصدر: شبكة بني عبس

[مروان الرشيدي]

صح صح صح صح ألساااان شااعرها

قصــيده جزله مثل جزالة الدويله وشاعرها


الف شكر لك على الطرح يالمضيبــري


لاهنت يالغالي

:

[ذبحني غروركـ]

صح لسسسسسآآآنك ولسآآن شاعرهااا وآعتلى شآآآنك
لاعدمنااا

[الـمضيبري]

اخوي مروان الرشيدي العفو وبيض الله وجهك على مروركـ

[الـمضيبري]

ذبحني غروركـ ،، بيض الله وجهك ومشكور على مروركـ

[عطاء الرشيدي]

صح السانك ومشكور ع الا آهداء

[الـمضيبري]

اخوي عطاء الرشيدي ،، العفــو وشاكر لك على مروركـ

[الجلادي404]

صح صح صح صح لسانك
ولاهنت