[مـــزنـــهـ]

السلام عليكم ورحمة الله وبركاتهـ


صـــبآح \ مســــآء الخير

حبيت أنقل لكم قصيده للشاعر ثامر شبيب

إنشالله تعجبكم

أخليكم مع القصيدهـ

***

حبيبي روح لاتقعد عشاني لابغيت تروح

إذا ماعاد لك حاجه بوجودي لا تجاملني



عشاني ..لاعشان الملح والعشره ياروح الروح

إذا دمي ثقيل اصبح بعينك ماتـــحــمـــلـــنـي




تخيّر بالدروب وكل درب ٍ يعجبك مفتوح

وانا لاغبت عن عيني ابلقا من يوصلني




تعذر..لابلاش انك تعذر ابتعد مسموح

تراضيني سنين البعد كان البعد يزعلني



علي لاينشغل بالك ولو كلي غديت جروح

تهملني ربع واحباب والله مايهملني




ترى اصعب شي بالدنيا اذا صار الغلا مذبوح

بقلب اللي تحبه وعاملك باللي تعاملني




احبك شي وشي ثاني خطاك ان قلت لك مدموح

تجاهلني وتبي ادمح خطاك انك تجاهلني




احبك لو على قلبي دلالك ترتكي وتفوح

هذاك اول زمانٍ فات قبل انك تبدلني




بحب اللي تحبه صرت تنطر جيته مشفوح

وانا ادري من عيونك تفضحك لوّك تضللني




اشوفه في عيونك ياعيوني في سماك يلوح

اخذ نفس المكان اللي لجل يوصله نزلني




حبيبي روح لاتقعد عشاني لابغيت تروح

انا ادري منت في حاجة وجودي لاتجاملني

***


للشاعر المبدع \\ ثامر شبيب الدقباسي..]]

الموضوع الأصلي: حبيبي روح....لا تقعد عشاني لا بغيت تروح...!!! | | الكاتب: مـــزنـــهـ | | المصدر: شبكة بني عبس

[نايف ابن عليثه]

الله الله --المبدع ثآمر شبيب --->> صح الله لسآنهـ

واختيآر يدل على روعة ذآئقتكـ الشعريــهـ --->> مـزنــهـ ..

وسلمت الايـآدي ..

[مـــزنـــهـ]

..نايف ابن عليثه ..

الله يسلمكـ

منور الصــفـحـهـ بردكـ

[ولد الشرقية]

صح لسااان ابو شبيب
ومشكوره مزنهـ على حسن الانتقاء والنقل الجميل .

[محمد الراشد]

تخير بالدروب وكل درب يعجبك مفتوح
وانا لاغبت عن عيني الاقي من يوصلني

ياسلام ما اجملك ياثامر خطير كعادتك سجلوا اعجابي به
مزنه اول الغيث قطره تحياتي

[مـــزنـــهـ]

يعطيكم العافيه على الردود

\\

منورين الصفحهـ

[(ابوعواض)]

الله الله --المبدع ثآمر شبيب --->> صح الله لسآنهـ

واختيآر يدل على روعة ذآئقتكـ الشعريــهـ --->> مـزنــهـ ..

وسلمت الايـآدي ..

[.last breath]

اذا ماعاد لك حاجة بوجودي لا تجاااملني...صح لسان المبدع ثااامر

مزنة بداااية ابدااع ..... اختياركـ من جد موفق... وفقك الله