[عبدالرحمن هليل]

اهداء الى الاخ والزميل/فهد البشري

يقول المثل لاضقت عنز على رجال

وحذراك عن ولد الردي لاتعزوابه

وانا يوم قامتبي هموم الزمن تجتال

هموم الزمان اللي لعبي بمخلابه

تذكرت شخصن للكرم والوفاء مدهال

زبون الحزين اللي لضرفه تعزوابه

اليا جاله المحتاج عن واجبه مااحتال

معه يبذل المجهود ويدور اسبابه

عليه اسند الموضوع واشكي عليه الحال

ولالي بغيره حيثه الطيب وانصابه

ولاهو قصور بلابة الطيب والافعال

هل الطيب واجد مير شرواه هو لابه

ايوالله فابن صمدان هقواي مثل الجال

اراهن عليه وكل شخص اتحدابه

ليا من سمع شكواي مالي وراه جدال

ياكود انتظر رده وماقال بخطابه

انا جيت للبشري لاطرقي ولاخيال

ولااملك سوى سيفن مجرد من جرابه

رقيت الجبل لاهي شخاعه ولاني ذال

وحصلت في راس الجبل قطعة اذيابه

عليه تعاوى كل ماحاول المدخال

واظن الذيابه تملك الضلع والغابه

لياهزت منها شفت في كفها سلسال

مثل ماتقول الشخص هالوقت وش جابه؟؟

وانا من حديها مابعت نلت نصف ريال

ولارحت ادور عندها شي واجتابه..

على نيتي لاما تعشتني الاشبال

واسامح ليازلوا ولاشفت لي ثابه

عليهم صبرت ولاكن اليوم صبري طال

ومما حصلي يافهد يمك انعابه

وتكفاء تشوف الوضع باللون والاشكال

ومثلك يعرف الجرح ويشوف مضرابه

ابي جيب ويسد الغرض ياعريب الخال

يقضي لزومي وين مااروح واهنابه

وانا شخص متزوج وعندي مره وعيال

وشايب طريح من المرض عجزوا اطبابه

ومنك اتحرى العلم والعلم جاك ارسال

عسى الرد ياتي وانت قده والاولى به


الشاعر/عبدالرحمن الرشيدي

الموضوع الأصلي: وانا رجل متزوج | | الكاتب: عبدالرحمن هليل | | المصدر: شبكة بني عبس

[كبرياء امراة]

عووووافي ....ع الطرح

[الشاطئ المهجور]

صح الله لسانگ وبيض الله وجهگ
أن شاء الله يكون فيه حل عند البشري بخصوص هذا الصوت
وفقگ الله لما فيه الخير يارب

[سعد محمد]

صح لسانك وعتلا شانك

[راسبه بالحب]

صح السان شاعرها

[رنــــا]

صصح لسااانك