[عبدالرحمن هليل]

رزقي على اللي معيش الداب في جحره+يوم انه اعمى ورزقه ماقصردونه
ياصاحبي لاتغــــارب وش يجي بكره+الوقت هذا يشيب الورع من لــــونه
عزاه ياصاحبن بيــن لنا هـــــــــجره+عقب اللقاء والمواصل بان مضمونــــــه
صدونسى مامضــاله وانكــر العــشره+خلى غلانا وطاع اللي يعــــــــــذلونــــه
وانا مداري غــلاه وبالصـــــدرقـــــدره+كل الملا في غيابه مايـــــــــــــساوونــه
احتل قلبي وله فج الحشاء صـــــــدره+لو يدخل القلب شــــــــاف الحب بعــيونه
اغليت حبه وهوطفلن هذا صغــــــــره+اللين مااهله على البرقـــــــــــــع يحدونه
غطوا عن الناس وجهه وقصروا شعره+عن شوف زينه وعن شوفي يخشونـــه
واقفى وعقب على قلب العـــنا حـــــره+باســـــــــــــبابهابــــاح قلبي كل مكنونه
والقلب عقبه من الفرقا نفــــــــذ صبره+طــــول غـــيابه وحال الياس من دونـه
لاجاب مرسول عن صـــــده ولاعـــذره+حلت سنه في غياب الزين وفنونـــــــــه
ماعاد لي في مجيه ياهـــلي قــــــــدره+والحكي قامـــوا هل الفرقا يزيــــــــدونـه
بس اتحــرى مراسيــله تجــي بكـــره+لعــل عن صاحبي علمــــــــــي يــــردونه
وصيتـي لالقـــيتوا باهــي النظـــره+عن حالتي علمــــــــوه ان كان تاتـــــــــونه
خلوه يرجع ترى مفتوح له قصــره+والقلب عن غيرها قـفــلت كيلــــــــــــــــونه
واللي انكسرتقدرالايام في جبــــره+اخبر من حــــــب مــات ولايعـــزونــــــــــــه
تعال نسقي غلانا ونحـــصد ثمره+اسرع قبل لايمـــــــوت وتابــس غـــــــصونه
اسعدمحبن على شانك قضى عمره+ولولاك بــــــــاع العــمر للــي يــــــسومونه
وآخرمصيرالزمن كل على قبــــره+والعــمـرمـحـدودوالاعــمال مــوزونـــــــــــه

الموضوع الأصلي: لاتغارب | | الكاتب: عبدالرحمن هليل | | المصدر: شبكة بني عبس

[منارة الذئاب]

صح السان شاعرها قصيده جزله بيض الله وجهك على النقل الجميل تقبل تحياتي ....

[عبدالرحمن هليل]

شكرآ لللللللللللللللللللللللللللك

[قبلة الرشايده]

عزاه ياصاحبن بيــن لنا هـــــــــجره+عقب اللقاء والمواصل بان مضمونــــــه
صدونسى مامضــاله وانكــر العــشره+خلى غلانا وطاع اللي يعــــــــــذلونــــه
وانا مداري غــلاه وبالصـــــدرقـــــدره+كل الملا في غيابه مايـــــــــــــساوونــه
احتل قلبي وله فج الحشاء صـــــــدره+لو يدخل القلب شــــــــاف الحب بعــيونه



يسلموووووووووووووو خيووووووووووووووووووووووووووووووو وص لسان شاعرها

[حب الغموض]

صح السانه وعتلا شانه