[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر ابوعوجه والشاعر شاعر علم

ابوعوجه

سلام ردية ٍ تسبق هبوب الريـاح=وتمر بعض الجبال وتخلف ركونها
ماينطح القوم رجال ٍ ماعنده سلاح=لو الشجاعه براسه بان مظمونها

شاعر علم

يامرحبا ردة ٍ تسبق عمود الصباح=ماهي ورا اهداف راعيها ولا دونها
ياطير ياطير ياطير السعد والفـلاح=لاتزعج النفس والدنيا على كونها

ابوعوجه

الله يسلمك لاتلق الصياح الصيـاح=خلك وراء هقوت اللي فيك يهقونها
مايعيش بالوقت رجال ٍ ماعنده كفاح=ياكثر من في يديها تعمي اعيونها

شاعر علم

مايروح دم المجاهد بالمعارك سفاح=والخطه اللي كذا لابد تقرونها
ألا ليا من لعبك وقتك امضيمضاح=العنز تاكل شماغك وانت بقرونها

ابوعوجه

اللي يجاهـد ماهـولله ماهـو مبـاح=وشلون يرمي شجرة الخير وغصونها
الذيب دايم عيونـه للبـدو والمـراح=واليا عوى عويته بالليل يوحونها

شاعر علم

الجد من يرغبه وقت المرح والمزاح=الشجره الطيبه مايختلف لونها
حنا ذبحنا الضماء عطنا الزلال القراح=لاتحط جمرة شعوري فوق غليونها

ابوعوجه

ياكثر من قام اله قومه وعود وطاح=عليه سود الليالي دار طاحونها
انته ماعينت شيخ ٍ لبسوه الوشاح=كثر العزايم على شانه يسوونها

شاعر علم

الحي لو كان مابين الغلب والرمـاح=يطلع وقشر النفوس اتشايل اغبونها
الشيخ حصل دبادب نجد خد ٍ براح=والتمره المحشفه تومي بعرجونها

ابوعوجه

الطير مايطير لو ماالله خلق له جناح=لون بعض الطيور تروع بلونها
الشيخ حصل خبول ٍ يطردون الضحاح=من بينهم يقصر الخطوه على هونها

شاعر علم

عساك سالم ودربك طول عمرك سماح=ليلى على اعصابها واعصاب مجنونها
لاتكره اليوم الاقشر لو جرحك النياح=اصبر ونفسك يقوم الرب في عونها

الموضوع الأصلي: ابوعوجه + شاعر علم | | الكاتب: العالم الفلكي | | المصدر: شبكة بني عبس

[فلاح الرشيدي]

بيض الله وجهك وصح لسان شاعر علم وابوعوجه ومشكور على التنسيق يالغالي
لك ودي وتقديري

[العالم الفلكي]

مشكور يافلاح الفلاح على المرور والتعليق

[المميز]

مشكوووووووور على النقل وانت دايمن مميز بمواضيعكـ مميز يعني مثلي هههههههه