[الاجهر]

خـلت بـراقٍ عـلى العــــارض زمـا
مــن روابــي نـجــــــــد جاذبني غــرام
مزنةٍ في صادق الشعــر ادهــــــما
اشــــتــعـل يابــرق وامطـر يا غـمـــــام
اعسف القاف العـنيــد المحكــــــما
ســايقـــــه سـوق الـمـطـيــه بالخـطــام
يا ولد طق الحديد الى احـــتــــــما
قـبــل تــصـبـح نــارهــا بـرد وســــلام
ما تضيق وخالقي رب الــســــــما
ولا نصـدّرهـن مــــن المــارد حـيــــــام
ما قصدت ازعجك يــا عذب اللـــمـا
يــا مـعـــرّب مــن خـوال ومـن عـمــــام
سايقٍ روحي عــلــى شوفــك ظـما
مــن هـجـــير الــشـوق طــاويــها هيــام
غايتي لا ماك يا ظبي الـحـــــــما
يــا رفــيــع الســـاس يـا بدر التمـــــام
الاصيل ان قـال للعهد احـتـــــمـا
وان تــقــدّم ما يجي فيـــــه انهــــــزام
كل وصفٍ فيك عن غيـرك ســـــما
مـجـلسـك بالمجـــد مــــن فـوق السنــام
لك مرام النفس لو قلبــي كــــــما
وكـــل حرٍ لا جـزع بالجـو حـــــــــــام
الله اللـي بالخـوافي يعـلـــــــما
عـشـقــتـي بــنـت الــحـشـيـــمين الكرام

كلمات / الوافي

الموضوع الأصلي: يا ولد طق الحديد الى احـتـما | | الكاتب: الاجهر | | المصدر: شبكة بني عبس

[رشيديه و أفتخر*]

صح السااان شاعرها
ولاهنت على النقل الراائع .

[الاجهر]

اشكرك عل المرور اختى رشيديه - لاهنتي

[غادة بني رشيد]

قمت افتش مثلك راقت لي ذي
لاهنت