[ابو بيان]

حبيب العازمي




سلامي سلامٍ فيه معنى وابـا معنـاه
على الشاعر اللي جرّته تدفن الجرّه

يقولون عبدالله على شـان ذاك وذاه
يجيب الحصا في نجد من حرّة الحره

عبدالله الميزاني




هلا مرحبا ليلك سحاب اوله واتلاه
يحول برد في مرات ويسيّل البـرّه

يقولون شركة بين الاقدام والجمهاه
وانا ماعلي من العوازم ولا آل مرّه



حبيب العازمي




وصلك السحاب اللي يسابق بروقه ماه
ويعطيك من خيره ويكفيك من شـره

ابو زيد رمحه فاللقـا خـادمٍ شلفـاه
وحظه بنا له بيت مـع عالـم الـذره


عبدالله الميزاني




حبيّب ولد لكنّ ويش اضحكه وابكـاه
يجوز السبب صياف ومحمـد الـدره

هذا العازمي ياطول صبره على ماجاه
عيونه صغار ويقطع الحبـل ويجـره



حبيب العازمي




حبيّب ماخلى له حسوفـه علـى دنيـاه
وعبدالله اللـي شـاب والكبـد محتـره

هذا اللي يبا يداوي ضرير العرب واعماه
عيونه كبـار وسـاع والكحـل مـاذره


عبدالله الميزاني




على ماتبا ياحلو ياللي قليل حْـلاه
يحاول سنين يحطّ في ظلم مغتـره

ربط محزمه واشتال حمله ولاوطاه
على جرته نسمع عتيبه لهم صـره


حبيب العازمي




بعد راعي المقضاه قفّل علـى المقضـاه
تحفّـر قبـور النـاس وتـدوّر الصُـره

هذا شاعر مْن مْطير واحرص على شرواه
ولـوّ اكثـر المطـران فالرجـل منغـره

عبدالله الميزاني




والا يا براد الما دخيلك على حمّاه
عليه اربعين من المظلات منشره

انا ماوردت العد حتى تفيّح مـاه
ولو آرده مره تساوي ميـة مـره

حبيب العازمي




تنادي ملوك الجن والجن قالوا هاه
وخطتك مكشوفه ونيتـك مفتـره

وتقبلو تحياتي اخوكم ومحبكم ابو بيان

الموضوع الأصلي: محاوره الشاعر حبيب العازمي والشاعر عبدالله الميزاني اسوار الذهب | | الكاتب: ابو بيان | | المصدر: شبكة بني عبس

[(*العرعري*)]

أخوي ابو بيان ياهلابك ومشكوووووووووور على النقل

[المشعل]

يعطيك العاااافيه ابو بيااااااان

محاوره راائعه للشاعرين غنين عن التعريف

تحياااتي لك

[هاوي شعر]

يعطيك العاااافيه ابو بيااااااان

محاوره راائعه للشاعرين غنين عن التعريف

تحياااتي لك

[سيف المهيمزي]

مشكور على النقل لاهنت