ضــع اعــلانك هنا
 |
الملاحظات
|
|
خيارات الموضوع |
|
|
بنــات اخر زمن
لاحظت في الاونه الاخيره تغير جذري في سيكولجية البنت السعوديه...وتحولها من بنت سنعه وقادره على ادارة بيوت الى بنت رفلا ..اي بنت ماصله ماعندها ماعند جدتي ....شلووووووووووون ؟؟؟قلتوا لي شلون....... تغير طريقة نطق البنات واسلوبهم في الكلام ..يعني تحكي مع الوحده يكون ثلاث ارباع الكلام ياحياتي وياقلبي انتي ...:مع شوي من تضخيم الصوت وكثير من الميوعه المصطنعه التي لا حدود لها ....عند الحكي معها وجها لوجه نرى تناثر بعض الرذاذ من فمها على الطرف الاخر من قوة الدلال وتمغيط الفم من جهة لاخرى طريقة الثقل الزايد عن حده .....طبعا الثقل احد انواع التصنع الماصخ.... وماتطلع هالاشكال الا بالزواجات والمناسبات الكبيره ...نشوف البنت متنمقه ومتزكرشه على الاخر ..ويا ارض اتهدي ماعليكي أدي ...من تدخل وهي ماده البرطم شبرين _______يعني من قوة الثقل......وكل شي كوم واذا قامت البنت ترقص كوم ثاني ................ انواع المصاله ..طبعا هي ماتشوف الا نفسها ذيك الساعه على اساس الناس يطالعونها وطايحين عندها ....وهي لفه يمين ولفه يسار ..ايقاعها لحاله غير الناس ..تشوف اللي معها انواع الرقص والفرفره وهي تتمشى على الكورنيش .. :طريقة الاكل ............. طبعا البصل والثوم هذا الد اعدائهم ...اول ما نجيب طاري الاكل وكل وحده تبدع باختيارها من اشهى الاكلات ...مثل ...:انواع المقبلات او الرز والجريش والاكلات الشعبيه ..واول ما يتوجه السؤال لهذي الشخصيه تقول انا احب الاكل اللي مافيه بسل وثوم ؟؟؟؟؟؟؟؟؟ اي نوع من الاكل يحلى بدون بصل ثوم؟؟؟؟ اصلا شوية زيت مع شوية ثوم وبصله وقليل من البهارت قمة الروعه ...وفن الاكل ..يعني ما يحلى طعم الاكل الا فيهم - طيب وش تاكل هذي البنت اللي ماتحب البصل والثوم؟؟؟؟ تاكل سيزر سلااد ...مع خبزه نااااشفه او ماشروووم سوب ..او قرين سالااد ...هذا بس قدام الناس بس لما تتوحد في بيتهم ..يتغير الاكل الى كبسه ومرقوق ومراصيع محموسه ببصل وثوم  نجي لهذي الشخصيه في الانترنت......... في المنتديات ثلاث ارباع كلامهم باللغه الانجليزيه ...وللاسف هي ماتعرف الا يس ونو ............ واسكيوزمي اذا خربتها ..متعوده على المطاعم.....:كلامها قليل ...وهذا يرجع للمصاله والثقل وانها هي من النوع الكلاس..... تعالوا شوفها تشتري مكياج من عند لبناني .... هنا قمة الوناسه تصف ساعتين عنده ..ايسكيوزمي ...البناني اهلا وسهلا تفضلي شو بتؤمري ....بس لو سمحت ممكن اشوف شدو .......اللي (هو الظل العين )...... لونه بينك ....ايه ولو انتي بتامري امر.............: جاب لها الشدو شافته عجبها بس بتسال عن السعر ...؟ معليش بكم هذا ..اللبناني ياعيب الشوم عليكي انتي أتدللي ماتفكري بالحساب المحل وصاحب المحل تحت أمرك ... البنت الخبله ترد ..وتضحك هاهاهاها لا عاد مو لهذي الدرجه ..مره مشكور بس جد جد بكم الشدو... اللبناني : هو بمية وخمسين بس لعيونك الحلوين راح اعطيك اياه بمية واربعين.....ولو انتي بتستاهلي.......... هو طبعا سعره الاصلي ميه واربعين بس المخفه صدقت لانها تظن انه دايخ علها .......... المهم البنت هذي طلعت طفرانه مامعها الا سبعين ريال  وبعد ماتميلحت عند البناني وعطاها ثقه بنفسها اكثر لانها هي رايحة له تبي تسمع غزل ومدح وحصلت مرادها . وطبعا البناني مادرى عنها ولا درى عن هوى دارها ولكن لجذب الكثير من الزباين المخفات لهم ..واقناعهم بالشراء عن طريق الغزل المباشر بصراحة هذا الواقع المرير للكثير من البنات الان ..واللي فعلا واقع مقرف وتافه ..ولا له علاقه بالانوثه ...لان الانوثه حياء وأدب وتواضع للناس ....الانوثه ليست مظهر وفشخره كذابه ....الانوثه بمحبة الناس ...الانوثه هي الارتقاء بالنفس والسمو بها ...الانوثه هي السمعه الحسنه التي تنقلها الفتاة عن نفسها وعن اهلها ومجتمعها .... تحياتي واعذرني على الاطاله والهذره........... مع ودي
|
|
|
لهيب هههههههههههههههه الله يعطيك العافيه وشي فعلا فعلا صحيح ولاتنسى انك لو تسأل اي بنت سعوديه بتقولك انا ما احب الرز الرز يكرش وهي حتى فطورها رز
وازيدك من الشعر بيت حتى لو تسوي لك اكل يارب لك الحمد فعلا الحين اللي بتزوج لابد شغاله لان الزوجه بس بالفراش غيره كانك متزوج الشغاله يعني افضل تتزوج شغاله ارخص وارحم صحيح مو كلهم بس الاغلب وعند زوجها شكلها عادي بس السوق والحفلات اللهم يااااااااااااكافي واشكر موضوعك الفذ هههههههههههههه شف عاد السحالي على الريحه محبكم ,,,,
|
|
|
ههههههههههههه
مو الكل صدقني هذي الاشيئا مهيب فيني انا بنت بدو مااعرف خبال البنات هدا انت لو تشوفني في قربتي وانا رايحه اجيب الماء لي أهلي من العين .. عندك المكياجات ماأعرف غير الكحل الاثمد واعرف اسوي خبز صاج والبس ثوب أحمر ماعندي سوالف الحريم هذي البناطيل والسترتش وعند البرقع ماأنزله وحدايقي الطعوس هذي أنا .. <<<<<<تراها صادقه هههههههههههه أشكرك لهيب .. بس صدق بنات هالزمن ماصخات بس أنت نسيت حركة الاظافر الوحده أظفرها أطول من الاصبع الله المستعان .. يارب ترحمنا المطفوق .. أكيد على الريحه موضوع يخصهن هههههههههههههههه تحياتي
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
الساعة الآن +4: 03:35 AM.
جميع الحقوق محفوظة شبكة بني عبس
