[المغرم اليائس]

السلام عليكم ورحمة الله وبركاته


اضع بين اخوتي عشاق الشعر هذه الرائعة لشاعرها الرائع /

عبد الله بن علووش00..

واتمنى ان ترضي الذائقة,,




~كـــثر الــم ــواصل~


كثر المواصل بالهوى ما هو بزين**ودك بخلك بين مدّه ومدّه

لأن البنادم ما ترك طبعه الشين**لا حب له شي وشبع منه هدّه

لكن لا منّه جاك من حين لي حين**قدّرت جيّاته وقدّرت صدّه

فـان قلت ابيك وقال ما هوب هالحين**لا تبلشه يمكن ضروفه تحدّه

اصبر عليه ايّام وشهور وسنين**ان كانه يودك وكانك تودّه

وخلك لا منه اعطاك ما تطلبه دين**ما جاك منه اخذه وما رد ردّه

ولا تسوي مثل ناسٍ مساكين**اصلك وفصلك فالهوى لا تعدّه

الحب ما خلاّ قبيله ولا دين**نكس حكوماتٍ وكسّر اشدّه

جالوه عقّالٍ (ن) وراحو مجانين**وكم واحدٍ (ن) خاضه ولا هو بقدّه


يقوله اللي جاحدٍ (ن) علّته لين**بارت محافيره وبيّح بسدّه

هذا كلام وانت بتشوف بعدين**والله ان تميّز بين مزحه وجدّه

الموضوع الأصلي: كـــثر الم ـــوااصل | | الكاتب: المغرم اليائس | | المصدر: شبكة بني عبس

[دنياك أنا]

يعطيك العافيه اخووي

وصح لسان شاعرهاا

تقبل مروري

[ابو براك الرياض]

يعطيك العافيه

[الخاطف]

صح السان الشاعر عبدالله علوش
وتسلم على نقلك الرايع
احترامى

[عبدالعزيز الخياري]

سلم ذوقك يابطل


يعجبني اختيارك الرائع كلك ذوق كلك ذوق


تقبل تحياتي وتقديري لشخصك الكريم