[سعد الشقل]

بتال

سلام الله صباح الخير كيف الحال يابحر الخليج الي بـه الحيتـان=بعد هبت هوا نجد العذيه واستوا كيفي وانـا كيفـي علـى كيفـي
نبا ناقف على شطك ونظرب بالعاصا موجك ونلقا الدر والمرجـان=واذا هاجت بي امواجك انا بركب على امواجك واجدف في مجاديفي

بحر الخليج

هلابك مرحبابك وانـت ودك ماحد(ن)قـدك تعسرنـا بهالقيفـان=عساها تسير بالدرب الصحيح الزين يابتال ماتعود مطر صيفـي
وانا اقول الك ياحافر حفيرة سو تاقع وسطها وتموت يالفسقـان=تراك ابلشتني مدري غلط والا صحيح الوضع ضاعتبك تصاريفي

بتال

يدوم ابك البقا والكيل في يمناك وتكيله و انـا برجـح الميـزان=بعد جندلت روس القوم راسك قام يومي لي وانا بشلعه في سيفي
تركد خلك بفيه وشمسك لا تصاليها ترا خشمك علـى النيشـان=تمشا في ديار القوم يامسلم وانـا بتـال تصريفـك بتصريفـي

بحر الخليج

انا ماني من اللي تحت سيفك روسهم تخضع سواة فلان والا فلان=ولا تلقا على بحر الخليج اخطا تدورهـا مثـل ناس(ن)ملاقيفـي
تحكم في درقسون السفينه بالبحر واحذر من الامـواج يالقبطـان=تعرف ان البحر يغرقك في موجه وراء موجه ولاحولك مشاريفي

بتال

عليه من حزامي في يميني بشنبي تخضع واذوقك العذاب الوان=لجل عيني الغزال الي جماله يسلب الخافق ولا يوفيه توصيفي
ابا احطك على القمه واردك داخل الذمه واطشك داخل الميدان=ابا وريك بفعالي يلين تخاف من تالي وتفزع دوم مـن طيفـي

بحر الخليج

تركد لاتغشك نظرة الريم الجفول وتنهبـل وتصـادم الضلعـان=تخيلك خيالات وتصور زول تسمع بـه مـع العالـم ولاشيفـي
وانا بقول لك تصبح على خير وتحرى النوم في هالوقت يالسهران=وتاجر بالبنوك العالميه وانت لـك مبلـغ يسـوق بالمصاريفـي

الموضوع الأصلي: بتال × بحر الخليج | | الكاتب: سعد الشقل | | المصدر: شبكة بني عبس

[بنت العبسي]

... : سعد الشقل : ...

الله يسلم يدينك كانت رائعة واصبحت أروع بعد لمساتك الجميلة

^_^

صحت اللسنت الشُعراء كانوا ومازالوا رائعين

[بتاال]

الله لايهينك ياسعد


شكراا

على التنسيق

[الجحش]

من اعذب المحاورات هذا الشهر ومن ابرزها بين بتاال وبحر الخليج بكل امانه
مشكوووور على التنسيق ياسعد الشقل

[بحــ الخليج ــر]

شكرا ياسعد الشقل على التنسيق الرائع وشكرا لكل من الجحش وبنت العبسي على الاطراء