[ثامر الدواي]

بسم الله الرحمن الرحيم ..

السـلام عليكم ورحمه الله وبركاته .."



أرسلوني في المهمه راكب الدوريه ,,, ثم مشيت مع الطريق اللي ورا دسماني

ومع طريق المملكه روّحت أنا الظهريه ,,, فوق جيبٍ قديم مكيفه تعباني

وصادفتني في طريقي يالعشير ابنيه ,,, راكبه يوكن جديدٍ كنه الشيهاني

راكب اليوكن نطحني لابس البوشيه ,,, خشف يامكثر حلاها زينها فتاني

الدلع فيها الدلع والزين والحنيه ,,, مهرةٍ فيها جمالٍ يسحر الاعياني

حسنها حسن الملاك وكنها الحوريه ,,, وكن فيها من وصوف الحضر والبدواني

قلت ممكن كان تسمح يالملاك شويه ,,, كان عندك أشتراك موتري خرباني

ثم قالت للأسف ماعندنا موليه ,,, ودّي أساعدك وأفزع لك ولا بمكاني

قالت ابعد يا فلاح ولا اتشين النيه ,,, وأمسك حدودك ياعمري وألعن الشيطاني

وقلت أنا في شمس وأنتي في ظلال الفيه ,,, ومن لهيب القيض شوفي خاطري عمساني

ثم قالت ليه ما دشداشتك مكويه ,,, وش في ثوبك معتفس يابعد حياني

قلت لي ساعه اصارع هذي الجنيه ,,, وغيّرت أستايل الكشخه بوضعٍ ثاني

والله اني كنت كاشخ فوق ميه ميه ,,, و وجو ديرتنا يغيّر بشرة اللبناني

ومن تعطل موتره غدا دجاجةٍ مشويه ,,, ومن لهيب الشمس يمكن يلبس الأكفاني


وســلامتـــكم .."

الموضوع الأصلي: أرسلوني في المهمه راكب الدوريه .." | | الكاتب: ثامر الدواي | | المصدر: شبكة بني عبس

[سلمان]

صح لسان قايلها ولاهان ناقلها

[ثامر الدواي]

سلمــان .."


شــاكر لك على المــرور .."

[فواز الدواي]

صح السان شاعرها

وتسلم على النقل يابن العم


تقبل مروري

[ثامر الدواي]

فــواز الدواي ..


شـاكر لك على المــرور يابــو مـحـمد .."

[سيف]

صح السان شاعرها

ومشكور أخوي على النقل

[ثامر الدواي]

سيف .."



شــاكر لك على المــرور الحلـو .."

[شيخة الزين]

صح اللسان الشاعر وتسلم يد كاتبها


حلوووووووووووووووه