[سعد الشقل]

السلام عليكم

كما وعدناكم اهديكم هذه المحاوره وهي بين الشاعرين / منيف منقره البلوي شاعر بلي و شاعر الشمال

كما سموه جماهيره , والشاعر الكبير : ملفي بن مزيد المورقي
||||||||||||||||||||||||||||||





منيف منقره
.................

بحفلة ربعي اهل الطيب والنوماس والهمه
هلا يامرحبا وضيوفنا يالله تحييها
حليل اللي فطين ويعرف القانون والذمه
ولا يستعجل الأحكام لين يشوف مافيها
...............
ملفي المورقي

الا يالي تغن القاف والعربان ملتمه
يدوم الك البقاء والطيبه من حظ راعيها
ليا شفناالحياء ياصاحبي سقنا الضعن يمه
وبه ديره نصبحها وبه ديره نمسيها
................
منيف منقره

تهرج يالعتيبي كل واحد مشغله همه
ولكن ربك اللي يقتل العالم ويحييها
حليل اللي ليامنه تولم يطوي العمه
يخبر بضاعته مابين بايعها وشاريها
................
ملفي المورقي

ترا دايم وسيع المعرفه مايحترق دمه
يساير هجرته بالهون لين الله يسويها
كثير الناس مثل اللي كبر وانكر حليب أمه
وهذا الوصف مثل اللي يكحلها ويعميها
................
منيف منقره

إذا عم الولد خاله وإذا خال الولد عمه
يحفظ البندق اللي نومسته بفعل ماضيها
الا يالأجودي لابد ماتنزاح هالغمه
عيون الناس اضحكها ولني ردت ابكيها
.................
ملفي المورقي

الا ياصاحبي يا ابو الولد سم الولد سمه
ترا دايم رجال المعرفه تعرف با ساميها
ترا ساري ضلام الليل يخطي الدرب ويخمه
وانا احب الليال البيض واما السود مابيها
................
منيف منقره

ترا إن اسم الولد ملفي ولا سمه ولا نمه
ندور ذاهبتنا لين صرنا في محاريها
يعرف الذيب ريح الملح لامنه عوى وشمه
ذيابت ليل يمكن ان العشى باللي يخاويها
................


ملفي المورقي

مادام انك عرفته زين عد بعالي القمه
ترى كل الرجال الحاضره تسمع بذانيها
ولا يابغضني لزيدي اللي ياكل الشمه
اعرف أهل اليمن دايم يديها في مخابيها
..................
منيف منقره
ليا جن الضوامي عقب غب وّردن الجمه
يعيش اللي يميح الدلو واللي فوق يسقيها
اهب الداب الاسود توه اللي مندفق سمه
عساك بخير والديبان انا مالي غرض فيها
..................
ملفي المورقي

طبيب القلب بالعاده يحفظ العلم ويضمه
ولاكن الغشيم يسند التلعه وينحيها
نبا البندق على الأهداف لا قصره ةلا زمه
ترى بعض الجماعه يرمي الشاره ويخطيها

الموضوع الأصلي: محاوره ملفي المورقي ومنيف المنقره | | الكاتب: سعد الشقل | | المصدر: شبكة بني عبس

[أنكسارحلم]

صح السانك اخوي سعد..والسان الشاعرين..ابن منقره..والمورقي

الصراحه محاوره رائعه جدا..بارك الله فيك


تحياتي

[سعد الشقل]

صح بدنك اخوي ناصر الشويلعي

شاكر لك المرور

[ابواثنين]

محاوره قويه لشاعرين غنيين عن التعريف
الف شكر اخوي سعد الشقل
علي النقل الرائع

[فيصل الرشيدي]

مشكور اخوي سعد الشقل ويعطيك العافية

[سعد الشقل]

حياك الله اخوي ابو ثنين


حاضرين لطيبين تستاهلون افا عليكم


شاكر لك المرور يالغالي

[سعد الشقل]

الله يعافيك ويخليك يا فيصل الرشيدي


شاكر لك المرور يالغالي

[عبدالعزيز الخياري]

الله يعافيك اخوي سعد على نقل المحاوره

وصح لسان الشاعرين