[سلطان]

ماحسبت الرمش غادر وانتهازي = لين وردني مضاميه وحتوفه
*****************************
أول الغيث قطره واخر الغيث سيل = وانت اولك جرح واخرك مذبحه
****************************
الحب شي لو حصرته في ضلوعي مانحصر=يطغى على حدب المحاني لين أبيحه واكتبه
***************************
انت لو تسقي العطشان ميك = مابقاله عقب هذا طموح
***************************
ياشينها لاصرت بين اختيارين = مستقبلك والأ حبيب توده
**************************
الجرح عاري ماعادت تستر ثيابه = ايه افترقنا وضاعت كل هقواتي
*************************
وين ربي جابنيلك وأنت لي = جاد حظ" ماهقيت انه يجود
*************************
رح معه لاصار لك خاطر تجيه = لاتجي يمي حيا ومجامله
***********************
سر ياسحاب الخير وامطر بالاحسان=وامطر من الكوثر صباح" وعصري
***********************
ياللي يكدر صافي شرب من ماه= من كدر الصافي شرب من حثاله
***********************
انا وسيع ابطان راهي مطاليب= ماضيق لو شانت نوايا دروبي
***********************
كان الرجاء في شوفتك يوم فرقاك = الله يجيب موادعك لجل اشوفك
**********************
الرفيق اللي مامنه خير مثل الشيشه = دامك تكثر عليها الجمر والا ماتت
********************
ماكل جرح" لاخذ أيام يبرى= بعض الجروح يزيد سقمه مع الوقت
********************
والخطوه اللي عن آخر سكتي تقصر = ماهي بمن طبع رجليني ولا ساقي
*******************
لبى جبينه ليا ارتج الغطاء كنه = برق" يصب الرفيف بكبد ديمومه
******************
قلبي على الماء ... وقلب الماء على شطك = الماء وانا والقراح العـــذب ورادك
كم شالك الحلم بأهدابي والا حطـــــــــــك = والعين يرعى نظرها عشب ورادك
*****************
ماقل دل وزبدة الهرج نيشان = والهرج يكفي حامله عن كثيره
*****************
انت همي ول يامحلاك همي = معك ياملح السنين وهمـــها
عبرتك منديلها قلبي وكمي = ضحكتك نبض العروق ودمها
******************
ليت الشوارع تجمع ثنين صدفه = لاصار شباك المواعيد مطفي
*****************
انا دخيل الكحل والعطر والروج = والضحكه اللي قادت العشب للماء
***************
العالم المجهول وش دخلك فيـــه = ردي ترى ماني للاشواق تمثــــــــال
كاني بقايا انسان ليه اشتريتيه = وكاني طفل من علمك عشق الاطفال
***************
ماقلتلك عمر سيف العشق مايقتلك = ماتشوفني حي قدامك وانا اموت فيك
*************
الله نشد ياحمود عن معرفة يوم = وحنا ثمان سنين ياحمود جيران
**************
لاصار ماراس المعادي تقصه = افرش عباتك وانجضع كنك الكلب
**************
ان صار فالدنيا صديقك يعاديك = مامن ورى عوج النصايب صداقه
*************
ليت الليالي للنشاما يدومن = اللي فعايلهم اجداد وقديمات
************
لك بالشرف قدر ومدارات وبروج = واسم تنومس هيبته بين الاسماء
************
ان طلبت الغلا قلت الغلا جاك = وان سكنت الخفوق البيت بيتك
************
اشاركه نفس المشاعر والآلام = اشاركه بالضبط نفس المعاناه
*************
لاخاب ظنك بالرفيق الموالي = مالك مشاريهن على باقي الناس
***********
آه ياصعب اعترافي بعدك وماأصعبي = عقبك الدنيا بعيني غدت متساويه
************
أبي اروح وانشد وين هاك العرب حلو = وادور جوار البيت ( غرفة عزوبيه)
************
أنا من اللي مايخونون الصـــــديق = يوم ان ولد اللاش خان بصاحبه
************
يدك لا مدت وفاء لاتحرى وش تجيب = لارجعت لك سالمه حب يدك وخشها
***********
العيون تجوع لك جوع والله العظيم = العشاء بعيونك السود وعيوني جياع
**********
غديت مثل معايد القريـــــــتيني = لاجبت خــــير ولاتبعت الرفاقه
فنجال طين ولانت فنجال صيني = تبرك مباريك الجمل وانت ناقه
***********
تراك لو تمشي على الرجل صعلوك = احسن من اللي تلتجي له وياطاك
***********
انا اشهد ان الود رمح" مودر = اما ضربني عرض والا اقتفاني
**********
لعلم يرفع بيوتن لاعماد لها = والجهل يهدم بيوت العز والشرف
***********








الســـــــــــــــــــــــــلطان يتمنى لكم احلى الاوقــــــــات

الموضوع الأصلي: مقتطفات شعريه | | الكاتب: سلطان | | المصدر: شبكة بني عبس

[ابوصالح]

الف شكر خوي سلطان على اطرح الجميل

بس ياليت الو كتبت سم كل صاحب بيت

تلا في لا حراج وحفظ للحقوق

اخوك ابو صالح

[راعي البلها]

الاخ سلطان تسلم ولاهنت على هذه المقتطفات الشعريه

تحياتي وتقديري لك
اخوك
راعي البلها

[سلطان]

اشكركم جزيل الشكر ابو صـــــــــــــــــــــــالح وراعي البلها


1/مساعد الرشيدي
2/سليمان المانع
3/ضيدان قضعان
4/مساعد الرشيدي
5/سليمان المانع
6/مساعد الرشيدي
7/علي القحطاني
8/مساعد الرشيدي
9/راكان بن حثلين
10/....................
11/مساعد الرشيدي
12/مساعد الرشيدي
13/محمد بن الذيب
14/.................
15/نايف صقر
16/مساعد الرشيدي
17/مساعد الرشيدي
18/راكان بن حثلين
19/مساعد الرشيدي
20/بدر بن عبدالمحسن
21/مساعد الرشيدي
22/سليمان المانع
23/مساعد الرشيدي
24/..................
25/.....................
26/................
27/...................
28/مساعد الرشيدي
29/مساعد الرشيدي
30/عيد ابن مربح
31/محمد السديري
32/مساعد الرشيدي
33/علي القحطاني
34/مساعد الرشيدي
35/سعد بن جدلان
36/ضيدان
37/...............
38/..............
39/................
40/..................





لكل مجتهد نصيب ///// اعذرونا عن القصور



تصدق تعبتني يابو صـــــــــــــــــــــــــــــــــــــــــالح

[الجـــــادل]

سر ياسحاب الخير وامطر بالاحسان=وامطر من الكوثر صباح" وعصري

لاهنت أخوي سلطان على الابيات

دمت بود

أختك الجادل

[عبدالله عوجان]

احسنت مقتطفات جميله
ياسلاااااااااااااااااااااااااااااااااااااااااااااا ااااااااااااااام

[سلطان]

شكرا على مروركم اتمنى ان نالت على اعجابكم



شكرا اختي الجادل /واخوي عبدالله عوجان


الله لايهينكم

[أنكسارحلم]

مشكور ياسلطان على هذه المقتطفات الشعريه

بارك الله فيك وكثر الله من امثالك

تحياتي