[عبد الرحمن خضير]

الوجد والهم والهوجاس والحيره=آربع ملامح بوجه يخفي أسراره
والسهر والشوق للمحبوب والغيره=ثلاث تصلـى خفوق العاشق بناره
وعيون تبكي وقلب رخص تسعيره=قمة قهر نقصت بالحب معياره
والصاحب اللي جفاني وأبعد بسيره=وش ذكره في ودادآ ماتت أخباره
قلبي عقب سجن خله ذاق تحريره=مايهتوي دار فيها قل مقداره
ألسالفه ماهي مجامل وتصبيره=السالفه حد بين الليل وأنواره
آلسالفه ياعزيزي فضها سيره=مانيب ناكس على هذلول ودياره
أبعفي أقدام طيفك من مشاويره=ماعدت شفقان في حزات مسياره
طيف جبرني على رسمه وتصويره=أرموش عيني لياشرفت بزياره
ضيعتني بين توريده وتصديره=كنك تفنن على جرحي وتختاره
حفظتني عذرك ومليت تكريره=وجـآ طاري البعد عقب العذر وأضراره
دربك خضر وأنت مايحتاج تذكيره=ألمقفي أن غاب زوله ماتبع أخباره
واليوم يمكن بعادك سعدآ وخيره= ويعشب خفوقي غرام وتنبت أزهاره

الموضوع الأصلي: فضهـــآ سيـــره,,,, | | الكاتب: عبد الرحمن خضير | | المصدر: شبكة بني عبس

[مسندالعويمري]

	شاعر المبدع عبدالرحمن الخضير صح السانك لك كل الاحترام وااااااااافية من واااافي لاهنت ننتظر جديدك والابداع المتزايد

[عبد الرحمن خضير]

الاهنت يامسندالعويمري مرورك شرف الي
تقبل خلص شكروتقديري

[سعد البويدي]

الشاعرالمبدع /عبدالرحمن خضير

صح السانك على هالبداع الجزل

لاهنت وننتظر جديدك

ولك تحياتي

سعد البويدي

[عبد الرحمن خضير]

الله الايهينك ياسعد ومشكور على مرورك
وتقبل تحياتي ابومتعب