[بدر مانع]

ردية بين الشاعرين العملاقين
الشاعرحمود البغيلي الرشيدي والشاعر علي بن محمد القحطاني
ولاحظوا صعوبة القافيه ..

قصيدة البغيلي

ياعلي شفت لي من بختكم بخت لـي
بالشعر ولاّ غيرهـا ياعسـى أفـداك
يا كثر ما جادت عليّ ... أو صخت لي
حلـو المعانـي بيـن هـذا وهـذاك
تجاوزت كـلّ المـدى وانتخـت لـي
ومن فعلهـا طيّرتهـا بيـن الافـلاك
أعتى البيوت القاسيات أرتخـت لـي
وهاضت عليّ أبكـار الافكـار دنيـاك
دوّختهـا يـوم أنّهـا دوّخـت لــي
فكري وصارت لي شرابيـك واشبـاك
كلّ القوافي يـا علـي نوّخـت لـي
لكنّهـا تاقـف أذا جـبـت طـريـاك

رد القحطاني

يا شاعر(ن) ما يختـل البيـت ختلـي
مـادري تحـدّى القـاف ولاّ تحـدّاك
شمس الضحى من نورها استنسخت لي
أبيـات مبناهـا علـى نفـس مبنـاك
ذابت جليـد القافيـة وارضخـت لـي
وجاك الجـواب اللّـي يقبّـل محيّـاك
ما ورّخت لك شهرتـك ورخّـت لـي
لا شكّ طيب الظنّ من طيـب مربـاك
ليت البواخر والتخـت واليخـت لـي
وابحر بهـا عبـر المحيطـات ويّـاك
واعاند ايّام(ن) قست واصرخـت لـي
تنكّرت عقـب الغـلا .... لا عدمنـاك

الموضوع الأصلي: رديه بين الشاعر حمود البغيلي والشاعر علي القحطاني | | الكاتب: بدر مانع | | المصدر: شبكة بني عبس

[سند الداموك]

صوت وصدى راائع بين شاعرين عملآقين

شكرا بدر

[داخل الرشيدي]

شاعرين عملاقين ومتمكنين وشكرا لك ايضا

[بدر مانع]

سند الداموك / داخل الرشيدي
شكرا ً لكما على المرور

[البعيد الهادي]

صحت السنتهم
شاعرين من عمالقة الشعراء
تسلم يابدر

[بدر مانع]

البعيد الهادي
يسلم حضورك صح الله لسانك

[جاك العبسي]

يعطيك العافيه على النقل