[أبونواف]

وش سوات اللي تعنى وزاد همـه يامعانـي=ويتذكر مامضى له يوم قفـت بـه سنينـه
وارتجف رجفة خفوق ضايع بين المحانـي=ويتهادى مثل حلـم قـام يذبـل ياسمينـه
بين امان وبين خوف وبين هـم مانسانـي=في بحر والموج عاتي من على متن السفينه
يصطفق بي قو موجه بالدقايـق والثوانـي=واستمع للقلب نـوح بـس مابيـح كنينـه
كان ودي للبواخر ترسـي بذيـك الموانـي=وماتخليني بوقـت قاسـي ماشفـت لينـه
الهواجيس اتعبتني وصرت انا منها اعانـي=وصرت انا امن جور وقتي للندم مثل الرهينه
ماارتضي من عز شاني للمذلـه والهوانـي=وكل ظالم لو تمادى ينبري له مـن يهينـه
سايرة بدرووب ربعي اهل الفعـل العيانـي=وانتهج منهاج مسلم ماعرف درب الضغينه
لي شموخ وزووود عفة واستقامه واتزانـي=ان سكنـت البـر والا بالقرايـا والمدينـة
والبشر اشكال منهم من يدين ومـن يدانـي=ومن يحسّب للنشامـا والنشامـا حاسبينـه
كم صديق مايتتقى يشبـه سهيـل اليمانـي=وان نصيته ماتعذر والنـدى فـاض بيدينـه
واطلب الله جل شانه من اهل الشر يحمانـي=ويلهج لساني بذكره والتـزم منهـاج دينـه

الموضوع الأصلي: قصيدة عطــايا النــوح | | الكاتب: أبونواف | | المصدر: شبكة بني عبس

[عابد الرشيدي]

صح السان شاعرها

والله يعطيك الف عافية على نقلك المميز

[الاجهر]

ابو نواف مشكور ماننحرم منك

[أبونواف]

اخوي عابد الرشيدي

ولاخ الاجهر


الله يعطيكم الف عافيه

[الهنوف]

صديق مايتتقى يشبـه سهيـل اليمانـي
وان نصيته ماتعذر والنـدى فـاض بيدينـه
واطلب الله جل شانه من اهل الشر يحمانـي
ويلهج لساني بذكره والتـزم منهـاج دينـه

أبو نواف

صح لسانك ولسان شاعرها

وشكرا لك على النقل ووفقك الله

دمت بخير
أختك الهنوف

[أبونواف]

مشوره على المتالعه