[سيوف بني عبس]

سلام عليكم

صباحكم/ مسائكم روح القصيد


ياشينها لي ضاقت الدنيا على وجه الشجاع=وياشينها لي شحت الدنيا على الكف الكريم
وياشينها لي صارت الخوه مثل لوي الذراع=ماهو بمنهاج الوفاء والطيب والفعل العظيم
مادامت الدنيا ملذات ومتاهات ومتاع=يالله تكفيني بلاها لا توردني الجحيم
ويالله تجعلني من الوافين ذربين الطباع=والجاهل المغرور جعله مايواجهني خصيم
يوم انها عاشت ثعالبها مع سحم السباع= ثم اختلط وجه النقى العاقل مع الوجه اللئيم
والشمس لو تحجب بغربال ظهر منها الشعاع= وانا فطين يامدلهنا عن الوقع القديم
يوم انت ماتعرف ثنيتها من السن الرباع=المشكله بعض العرب شايب وفي عقله فطيم
المال لو غطى عيوبٍ مايغطيها القناع= تبقى الثوابت ثابته كالدائره والمستقيم
والناس تدري والغباء احيان ياتي في خداع=والوقت يحرق مابقى كالنار تحرق بالهشيم
ولولا التجارب بالرجال بكل وقت وكل قاع= ظاعت نصايح لولين وضيعوا حكمة حكيم
واهل العراق اكثر بلد يعيش فترات النزاع=الا انهم ماضيعوا ماقاله إسحاق النديم
ياليل وقف لو سمحت بكلمةٍ قبل الوداع=ماهو يصح إلا الصحيح وما يطيح إلا الغشيم



مع تحيات قروب شطحات

الموضوع الأصلي: ياشينها لي ضاقت الدنيا ع وجه شجاع ....ق.ش | | الكاتب: سيوف بني عبس | | المصدر: شبكة بني عبس

[عايد2001]

صح السان شاعرها
ومشكوره سيوف على الأختيار الذوق

[سيوف بني عبس]

اسعدني مرورك

[لسعهـ شقآوة]

وياشينها لي صارت الخوه مثل لوي الذراع=ماهو بمنهاج الوفاء والطيب والفعل العظيم
ذووووووووووووق سلمت اناملك :)
؛

[سيوف بني عبس]

اسعدني مرورج

[المشعل]

راائعه صح ذوووقك واختيارك

[سيوف بني عبس]

اسعدني مرورك اخي المشعل

[النمر1012]

صح السان شاعرها
ومشكوره سيوف على الأختيار الذوق