[غربة الروح !!]

الحزين اللـي ينـام وفـي عيونـه دمعتيـن
كنه فـوق الجمـر نايـم لا تقلـب تستعـر



ألف آه ٍ وسط جوفه ما رضـا يـوم ٍ تبيـن
كاتم العبـره ولكـن دمـع عينـه ينحـدر

ماعلى لسانه سوى كلمة عسى ربـي يعيـن
وخز سيف ٍ في صميمه كل ما قيل الصبر

ما انفطر قلبه على حزنه ولا ضيـم السنيـن
مير ظلم اغلى الحبايب شاعـل بقلبـه جمـر



بس يا همومه كفااايه وش بعد أكثر تبيـن
من كبر همه وحزنه صـار هـاوي للشعـر

شوفي كيف أبدع بوصفك من كثر ماهو حزين
كل من يقرا سطوره خاطـره منهـا انكسـر



عيّت الفرحه تزوره وعيّـا حظـه لا يزيـن
في خفايا الروح يبكي ويبتسـم بيـن البشـر



وقته القاسي كسر به ما رضا لحظـه يليـن
ما شكى كثرة همومـه غيـر للـي مقتـدر



واحد ٍ يعلم بحالـه خالقـه هـو المعيـن
يطلب الله في صلاته يـرأف بحالـه القـدر



ويالله تفرّج همومي وهم كـل قلـب ٍ حزيـن
وترزق المهموم بسمه عقب ضيقات الصـدر


:
:


ممارااق لي ..

الموضوع الأصلي: الحزين اللـي ينـام وفـي عيونـه دمعتيـن!.. | | الكاتب: غربة الروح !! | | المصدر: شبكة بني عبس

[مداروفلك]

ويالله تفرّج همومي وهم كـل قلـب ٍ حزيـن
وترزق المهموم بسمه عقب ضيقات الصـدر

صح لسان شاعرها
وسلمت ايادى ناقلها

[غربة الروح !!]

اقتباس من مشاركة مداروفلك ويالله تفرّج همومي وهم كـل قلـب ٍ حزيـن وترزق المهموم بسمه عقب ضيقات الصـدر صح لسان شاعرها وسلمت ايادى ناقلها

لاهنت ع مرووورك الذووووق ..اخوووي

دمت بخير دوووم

[أحاسيس]

قصيده قمه الروعه ذوق ياذوق

[غربة الروح !!]

اقتباس من مشاركة كبرياء جرح قصيده قمه الروعه ذوق ياذوق

لاخليت من مرووورك الروووعه وربي

دمتي بووودي حبوووبتي