[مروان الرشيدي]

//
//
//


وطــيــري الــلــي راح مــــن دون رده
اتـلا الخبـر بـه ضـاع ويـا أبـرق الريـش
قـفــا ورا خـــرب(ن) جـنـاحـه يــمــده
مــع الـهـوى دبــر وربــح المـراهـيـش
مـاشـفـت مـثـلـه لعـنـبـو جـــد جـــده
ولاهـو مـثـل ربــد العـبـور المخايـيـش
كــــم مــــرة(ن) بـالـجــو رده وحــــده
أزرق غدا مرشه مـن الخـوف تمريـش
والـطـيـر صـامــل مـعــه يــاقــو نــــده
طيـر(ن) ليـا منـه طلـب جـاه توحيـش
ابـيــض نـحــر دق النـعـيـري وشـــده
ومـن الظهـر زاهـي علـيـه النقـاريـش
امــس الظـهـر قالـولـي الـربــع غـــده
ولا شاف مني غيـر بعـض العراميـش
غـــدا لـهــم فـالـجـو عـشـريـن هــــده
وانـا أنتظـر وبداخـل الفـكـر تشـويـش
حــول عـلـيـه ونـايــف الـجــال صـــده
وخذا معاه القاع فـي ماسـط الهيـش
ضــاع وزرع فيـنـي مــن الـهــم غـــده
وهاذي سوات الطير وقت المطاريش
وانــــا عــلــى الـيـمــه وهــانــه ووده
وغديـت افتـش نـازي الارض تفتـيـش
الـلــوح والـدربـيـل لـــو قـمــت امـــده
حل الظلام وشفت سـود الخفافيـش
ماشفـت شـئ وخاطـري بــاح ســده
وشبيت ضوي في هذيـك النشانيـش
وغديـت احـط الكـوع وســط المـخـده
سوالفـي مـن واهـج الجـاش تنبيـش
وقمـت اتوجـد وجــد راعــي الاشــده
حــول وفــارق لــذة المـلـح والعـيـش
من عقـب ماهـو كـل شـي(ن) بضـده
عمره قضـاه بسجـن حمـر الطرابيـش
فــي ليـلـة(ن) قمـريـة(ن) مـجـرهـده
أمسيت انا درويش وأصبحت درويـش
مـــن لامـنــي بالـطـيـر ربــــي يــلــده
هو لامني لـو كـان يـدري علـى ويـش
ماشـاف خــور غنـيـم واشــرف بـخـده
ولا صلـح الفنـجـال وقــت المغابـيـش
يالـيـت راعــي الجـيـب مـاقـال هـــده
ولا رمـــاه بـســود عـكــف النـواتـيـش


:
:
:
مما راق لي

//
//

تحياتي

الموضوع الأصلي: ؛؛؛؛؛|| مضــيع الـــطــير |،،،،، | | الكاتب: مروان الرشيدي | | المصدر: شبكة بني عبس

[الـرونـق]

صح لسان شاعرها


مشكور أخوي مروان على النقل الجميل


والله يعطيك العافيه

[الهنوف]

صح لسانك ولسان شاعرها
وتسلم على النقل الجميل ( :
.
.
.

[صميدع راس]

صح لسانك وتقبل مروري

[ابو ريتاج]

مشكور أخوي مروان على النقل الجميل


والله يعطيك العافيه

[مروان الرشيدي]

الله يعافيكم جميعا

زمنورررين الموضوع

:
:
:
تحياتي

[قف أمامك رشيديه]

أختيار موفق

قصيدة مختزله وتحمل بين طياتها معاني رائعه

سلمت يمناك وسلم أحساسك الجميل أخي الكريم:مروان


عبق شكري لك

وتحياتي العطرة...

مودتي,,,

[عبدالرحمن هليل]

قصيده رائعه اخي مروان صح لسانك