[سلمان]

بسم الله الرحمن الرحيم

إخواني شعراء الشبكة سبق أن طرحت لكم بيتين وطلبت منكم الرد عليها برسالة خاصة
على هذا الرابط
http://www.bani-3abs.net/aa/showthread.php?t=39332
اليوم انتهت المدة المحددة
لذلك سأقوم بتوضيح معنى البيتين وأطرح أمامكم ردود الشعراء بدون ذكر أسماء

المطلوب من كل واحد منكم أن يرشح الرد الذي يعتقد أنه هو الرد المناسب للبيتين

بالله نستعين

البيتين تقول:

سلام الله عليكم بعد غيبـة والغيـاب أسبـاب=وأنا لا زرتكم بعـد الغيـاب آطبـق السنـة
على قول العرب: كل الذي فوق التراب تراب=ولكـن نطلبـك يـارب بالغفـران والجنـة

المعنى:

سلام الله عليكم بعد غيبـة...أنا لا أقصد غيبتي أنا بل غيبتكم أنتم

سلمت عليكم سلامي على أهل القبور بعد ماغابو عن الدنيا وأهلها

والغياب-الموت- أسباب:تعددت الأسباب والموت واحد

وأنا لا زرتكم بعـد الغيـاب آطبـق السنـة
السنة هي زيارة القبور والسلام عليها

البيت الثاني وااضح

الآن نأتي لردود الشعراء على البيتين:

كما قلت:المطلوب من كل واحد منكم- سواءً إقتنع بمعنى البيتين أم لا-أن يرشح الرد الذي يعتقد أنه هو الرد المناسب للبيتين

أرجو من كل واحد أن يرشح الرد المناسب قبل أن يطلع على ترشيحات الآخرين

الردود:
-1-

عليك اجمل سلام ورحمة الله يا جمل الأصحاب=بعـد طـول الغيـاب: اليـوم جـابـك لاهــب الكـنـه
تغـانـم فرصـتـك لاتلـتـهـي لـمّــا يـطــق الـبــاب=تـراهـا حاصـلـه لابــد.. مـابـهـا قـولــة :اظـنــه

-2-

هلا يامرحبا باالي عن اهل الدار غاب وجاب=شمال الدار دائم بارده عـن لاهـب الكنـه
ولكن لو تدوم ايام يقفاهـا حسـاب عقـاب=لو انك فوقها تسرج عنان الخيـل وتسنـه

-3-

هلا بالغايب اللي كل مابطا في غيابه جـاب=علومن طيبه وبيوت شعـرن مابهـا لنـة
ابتبع سيرة الاصحاب وفتح مغلق الابواب=وبا اتبع عبس في حام الهجير ولاهب الكنة

-4-

هلايا مرحبا بالشاعر اللي يوم عنا غاب=بدا بالسنه اللي من سموه مابها منه
مدام انك تعرف انهاية اللي يفتل الاشناب=يا سلمان انصح اللي كل ليل ايجاوب الشنه

-5-

هلا بك ياهلا ترحيب شامخ مثل رمح ذياب=وانا ماشفت وجهك وانت ماشفت السماء لنّه
على قول العرب: سف المليلة برطم الكذاب=ومن يبغى الدعاء يرفـع يديـه ولله المنّـه

-6-

هلا يامرحبا ترحيبةً ترقا عــــلى المرقاب =ولامن جيت بالسنه فواجبها لـــك ندنه
ترى كلش يابن عمار مكتوبً بوسط كتاب = وفكري لو يطول به الزمن مايختلف ظنه

-7-

هلا يامرحبا حييت وأنتاج الغيـاب غيـاب=ولكن لاضويت نطبق السنه على ( السنه )
على قول العرب طاح الغراب بجرة الاغراب=ولكن نحمد الله والـي الأحسـان والمنـه

-8-

هلا يامرحبا بك عـد ماخـط القلـم بكتـاب=بعـد مازرتنـا قلنـا الثـنـاء لله والمـنَـه
صحيح اننا لفينا اغراب بالدنيا ونروح اغراب=ولو عمرك تعدا عمر نـوح القبـر ماعنَـه

-9-

هلا يا مرحبـا باللـي لفانـا بعـد طـول غيـاب=ولــه مـنـا مـثـل مــا قــال وأذانـيـه يوحـنـه
ترى ما كل من قال الكلام لمـا يهـدّف صـاب=وأنا ما أصدق ألا أللي نصوص الشرع قالنه

-10-

هلا يامرحبا وعداد من صلى بعد ماتاب= ومالك عندنا الا ترى هيلن مع بنه
الا ياشاعرن ظنك على طول المدى ماخاب= كل واحد على رايه وكل واحد على ظنه

-11-

هلا يامرحبا واللـي حضـر ياصاحبـي ماغـاب=دعيـت لسنـة اللـي مـا ختلـف دينـه ولاظـنـه
على قول المثل:مابعد موت العبد غير احساب=تــزود بالحـيـاة ولايـغَـرْ الطـفـل فـــي سـنــه

-12-

هلا يامرحبا بلي لفانا عقب عنا غاب=ولاندري وش اسباب الغياب الي ذكرهنه
صحيح الخلق مثل الطايره ذهاب ثم اياب=يعود الملك للي خالقه مال احداً منه

-13-

علينا واجب انرد السلام ومرحبـا ترحـاب=وحنا بالشريعه سلمنـا مايختلـف ضنـه
تحت رحمت حكيم الكون حنا وتراب اصحاب=ياربي رحمتك والمغفره والمـوت ماعنـه

.
.
.
.
.
.
.
.
.
أشكر جميع من شاركوا سواء بالردود أو الإقتراحات

الموضوع الأصلي: هذا المعنى.. وهذه الردود..فأيها ترشح؟؟ | | الكاتب: سلمان | | المصدر: شبكة بني عبس

[سلمان]

ملاحظة: ممنوع على أي شاعر أن يرشح رده هو

آخر موعد للترشيح 15/9/1429هــ

[الشاعر]

ارشح البيتين رقم / 8

[منصور بن صبح]

انا ارشح ياسلمان رقم(8)

[عايض بن صالح]

لاهنت ياسلمان ولا هانو جميع الزملا
لو ان المعنى غامض ارشح رقم 12
تقبل تحياتي

[ناصر خنيفر]

ارشح رقم 1

[المعزب]

ارشح رقم 2

[ملفي العجرمي]

مشكور أخي سلمان على هذه الفكرة الممتازة وأنا أرشح الرد رقم ( 6 )