[سعد المظيبري]

قبيله حي والله من فبيله=ياكم دوله كسبناكم قبيله
لنا في موغل التاريخ ذكرى=صهيل وخيل وسيوفا صقيله
لنا لابه وفرسان تشرف=دليم الخيل ونضاع الدليله
وحضرم يوم ثار الهيج صقع=وجراد طارفي قلبي مليله
أسود ارماحهم تكتب وتروي=نبل وأخلاق وعلوم جميله
بنت للمجد وتاريخ وقصايد=يشرفني بصدري يوم اشيله
رشيدي وانتمي لاصلي وفصلي=كواسر عبس وظهور الكحيله
حفظت أرضي وعرضي يوم شبوا=لنار الحرب بارود فتيله
شربنا صفوها والليل حالك=وكدر الطين يشربه الذليله
ينومسني ليا قالوا رشيدي=نزيه العرض ماخلا زميله
شجاع صاملا كالطود شامخ=شريف ماوطي درب الرذيله
بفزعتنا عرفنا واشتهرنا=خوي وجار وافعول جزيله
سق الفنجال شرف به مبارك=ربطنا والفخرلك يا الدويله
وراك قلوبنا صارت سلاسل=قرنا مثل ماتقرن الجديله
من السودان إلي نجد العذيه=إلي دار الصباح اهل الفضيله
هلابك يا مبارك يا هلابك=نبيل الأصل وافعالك جليله

الموضوع الأصلي: اهداء الي المهندس مبارك الدويله من //// سلطان طريف الرشيدي | | الكاتب: سعد المظيبري | | المصدر: شبكة بني عبس

[نــوآف الــعــويــمــري]

يستاهل الممدوح وصح لسان الشاعر

[خالد البغيلي]

يستاهل الممدوح وصح لسان الشاعر

[بندر المظيبري]

صح بدنك يا سلطان الرشيدي
ويستاهل مبارك الدويله
مشكور اخوي سعد

[@كحيلان@]

يستاهل مبارك الدويله وصح لسان شا عرها