يمه... هي قصيدة رائعة أحفظها جيداً ولكن للأسف لا أعلم من هو الشاعر الذي كتبها...
يمه أنا سافرت ماقصدي أرتاح
........................حزني معاي من الصغر محتويني
شاللي بقي يا العمر يكفيه ماراح
........................ماتت من الحرمان زهرة سنيني
يمه ولكِ صوت من الدوم يجتاح
.......................وهم الخيال اللي مصافح يميني
يمه أنا جيتك وفي قلبي أجراح
........................مابي أنا جروحي ولكن تبيني
جيتك مثل طير السماء فاقد جناح
.......................يدفعني أخلاصي وزايد حنيني
جيتك غريبٍ ضيع العمر سواح
.......................خلك معي بالله لا تتركيني
يمه لعل دنياي بقربك أفراح
......................لحضنك مشتاق يمه احضنيني
يمه من أشوفك همي بساع ينزاح
...................وتضحك دموعي في عيوني ويديني
يمه بحضوري أفرحي كافي صياح
...................إلى متى مكتوب حزني بجبيني
يمه يا أغلى كلمة بنطقها أرتاح
....................عهد علي ماانساكِ بس اذكريني.