ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
عذرا على التأخير غاليتي غصون الراك شذى عطرك إنتثر ليعطر زوايا عيون الشعر - ماهي علاقتك بالشعر ؟ هو القيثارة التي أعزف من خلالها أنين الالم وهو المتنفس الثاني لي بعد الخواطر 2- من هو شاعرك المفضل ؟ لا أعتقد أن هنالك ما يسمى شاعر مفضل إنما الشاعر والقصيده هي التي تفرض نفسها وتجبرنا على الإستماع والتصفيق هنالك شعراء مبدعون سواء في هذا العصر أو في عصور مضت فمن الشعراء العمالقه القدماء المتنبي-عنتر العبسي-زهير ابن ابي سلمى-الالمعي شعراء وقتنا الحالي الامير خالد الفيصل-بدر بن عبدالمحسن-عبدالرحمن بن مساعد-مساعد الرشيدي-حامد زيد-محمد السهلي 3- اعضاء في المنتدى تثق في ذائقتهم الشعرية ؟ هنالك العديد ما شاء الله ممن أقرأ لهم في جنبات هذا المنتدى ولكن وللأمانه إن كان عندي قصيده وأريد أن أعرضها على عضو قبل نشرها فإنني لا أتردد في عرضها على شاعر بني عبس ومرزوق العجوني 4- بيت شعر يحضرك دائما ؟ ومن يأمن الدنيا يكن مثل قابضٍ على الماء خانته فروج الأصايعِ 5- قصيده تعدينه/ـا من اروع القصائـد ؟ (سيف العشق )لأبو فيصل الله يطول في عمره (الجمهره) لحامد زيد 6- هل لك محاولات في كتابه الشعر ؟ محاولات قليله ما زالت تعيش في الظلام..وبين جنبات الورق 7- لك مساحه بلآ حدود وحرية بلا قيود امتعين/ـا بقصيدة على ذوقك؟ سوف أذكر قصيدتين من أجمل القصائد ودائما أستمع لهن الاولى للألمعي (صوت صفير البلبل) صوت صفير البلبل هيج قلبي الثمــــل الماء والزهر معا مع زهر لحظ المقل وأنت ياسيدلي وسيدي ومولى لي فكم فكم تيمني غزيل عقيقلـــــــي قطفـــته من وجنة من لثم ورد الخجـل فقال لالا لالالا وقد غدا مهرول والخـوذ مالت طربا من فعل هذا الرجل فولولت وولولــــت ولي ولي ياويل لي فقلــت لا تولولـــي وبيني اللؤلــؤ لــي قالت له حين كــذا انهض وجد بالنقل وفتية سقونــــني قهوة كالعــسل لي شـــممتها بأنفي أزكى من القرنفل في وسط بستان حلي بالزهر والسرورلــي والعمود دندن دنا لي والطبل طبطب طب لي والسقف سق سق سق لي والرقص قد طاب لــي شوى شوى وشاهش على ورق ســـفـــرجــــــل وغــرد القمــــر يصيح ملـــــل فــي ملـــــل ولو ترانــي راكــبا عــلى حمـــار أهزل يمــشي على ثلاثـــة كميشـــة العرنجـــل والناس ترجم جملــي في السوق بالقلقلل والكل كعكــع كعكـع خلفي ومن حويللي لكــن مشيــت هاربا من خشيـــة العقنقلــي إلى لقاء مــــــلك معــــظــــم مبجــــل يأمر لــي بخلعــة حمـــــراء كالدم دملــي أجــر فيهـــا ماشــيا مبغـــددا للذيــــــل أنا الأديـــــب الألمعــــي من حــــي أرض الموصـــل نظمـــت قطعـــا زخرفت يعجــز عنها الأدب لــــي أقـــــول فـــي مطلعهـــا صوت صفــير البـــلبـــل القصيده الأخرى( لمتعب التركي) ياوسيـع البـال ضيّقـت الصـدور=رحت ماعلّمتنى ويـن أنـت سـارى فى غيابك مـال خلـق الله حضـور=وفى حضورك مالهم بالبـال طـارى ليـه ماتختـال يـابـدر الـبـدور=والقصايد لـك وصيفـات وجـوارى لـك بنـات الفكـر ربـات الخـدور=يكشفـن لثامهـن والجـرح عـارى جعل قلـبٍ مامـلاه الصـدق نـور=عند وجه الريـح مايلقـى مـزارى التغاضـى عجـز لاطـال القصـور=ليـه أدارى وأنـت بالوضـع دارى الزمان (ا ) قصيـر والدنيـا تـدور=كل يوم يضيق فـى عينـى مـدارى صاحبى محتاج لـك شعـر وشعـور=وإحتياجى شـى ماكـان إختيـارى من متى والغصـن يختـار الطيـور=من متى والبـال يختـار الطـوارى لاتسمـى صمتـى البـارح غـرور=انكسارى خلف هالصمـت متـوارى فى غياب الشمس وش ذنب الزهور ؟=والمطر لاشح وش ذنب الصحارى ؟ اللقـا لحظـات والغيبـه شـهـور=تقصر الخطوات ويطـول إنتظـارى لو قريت المنكتـب وسـط السطـور=ماكتبـت لغلطـة العمـر إعتـذارى صمت هالمينا مثـل صمـت القبـور=مارسى مركب ولا لاحـت صـوارى أختار من بعدي مرزوق العجوني أتمنى أن يتقبل ضيافتي ودي وإحترامي للجميع
|
|
|
كل الشكر الاخت طيف المشاعر على دعوتها وكل الشكر لراعيه الفكره غصون الراك
1- ماهي علاقتك بالشعر ؟ علاقتي بالشعر علاقه قويه ويكفي انه متنفسي الوحيد 2- من هو شاعرك المفضل ؟ الشعراء كثيرين منهم مساعد الرشيدي وسلطان الهاجري ولافي الغيداني ومحمد الذيب ومحمد المويزري ومحمدابن فطيس وغيرهم كثير 3- اعضاء في المنتدى تثق في ذائقتهم الشعرية ؟ هناك اعضاء كثر منهم كهل الصباء وشاعر بني عبس وطيف المشاعر ومسند وزهو وغصون ودنياك انا والهنوف وغيرهم كثيروليعذرني من نسيت اسمه 4- بيت شعر يحضرك دائما ؟ يقولون لا ضاقت عليك الوسيعه غن=وانا اقول شفت مقرد الخلق وش قالت
5- قصيده تعدينه/ـا من اروع القصائـد ؟ قصيده لزعيم مساعد الرشيدي على كثر الكلام ... وكثر ماقبل الكلام جروح=سكت ... ومالقيت الكلمتين الي علي بالي أخاف إن قلتها ... ماقلتها ... وان قلتها بوضوح=توسدني ملامات الرفيق وشرهة الغالي كذوبه يالهوجس اللي على الخاطر تجي ... وتروح=بغيت أزبن ذراها ... واستريح وماتهيالي ورحت أتلي شتاتي ... واترجي صوتي المبحوح =تموج بي الدروب ومسندٍ كفي على ظلالي عسي مانتي رجايه يابروقٍ في سماي تلوح=يشرهبني رعدها والضما بالصدر همالي نقلت جروح ماعرفها بقلبٍ مرهف مجروح =تنطحت البياض ... وسود الله وجه عذالي 6- هل لك محاولات في كتابه الشعر ؟ نعم هناك محاولات 7- لك مساحه بلآ حدود وحرية بلا قيود امتعين/ـا بقصيدة على ذوقك؟ قصيده لشاعر عبدالله الضفيري اللي بقى لـي مـع الأيـام .. وفّيتـه=والضيق لـو ينهمـر تشربْـه وديانـي ماهي كبيـره علـي والحـزن غنيتـه=وْلاهـي غريبـه إذا وقتـي تحـدانـي الخوف -يا من نبشت القلب وادميته=-لاعشت زهرة شبابك وانت وحدانـي!! كم جرح خذْته من الأحباب.. ضمّيتـه=وجروح قلبـي زكـاة لْحُـبّّ خِلاّنـي مطعون؟ عاااادي ،، جفا الأقراب؟ داويته=تعبان؟ مبطي ،، ردى هالحظ؟ خاوانـي صدمه؟ بسيطه ،، هَوان الحال؟ مرّيتـه=مقرود؟ أدري ،، وإذا حرمان؟ عدّانـي ما فاح هـمّ ٍ لـك الله مـا تقهويتـه=ما مـرّ حـزن ٍ بغيـري مـا تبلاّنـي! ياما ويامـا مـن الخـذلان .. عديتـه=إلا بصاحبْ .. بعد عِشـره تناسانـي!! أزريت لأنسـى غيابـه ليـن ناديتـه=والمـوت لامـن تجاهلنـي وجافـانـي وينه يجينـي .. وكـل عْتـاب كنّيتـه=ياليت يدري بعد فرقـاه وش جانـي!! من كنت طفل ٍ وانا أرجـاه فـي بيتـه=شيّبت.. واثره على هالحـال خلانـي! حتى جنـاح العَتَـب لرضـاه ذليتـه=ماطِرْت بعده فـرح مـن ذلّ جنحانـي يا قلب صبرك .. ترى كل شيّ سويتـه=ما كان أفضل من اللي كـان بإمكانـي لو بيّ قـوه علـى الهجـران؟ خليتـه=لو بـيّ ذره مـن النكـران؟ يفدااانـي الجرح أرحم .. إذا يرجع مـن أغليتـه=مجروح؟ فِدوه .. ولكن صعب وحداني! اتمنى ان اكون قد وفقت بردودي واختار بعدي نايف ابن عليثه
|
|
|
واجدت الأختيــآر أخــي مرزوق العجونــي هههههههههههه
حيـآكـ أخوي مرزوق والله انه فخرا" لي لأختيـآركـ لي واتمنى أكون عند حسن ظنكـ بي ولــي عودهـ .. عن قريب ,,,,,
|
|
|
الامير محمد السديري ومسـآعد الرشيدي وحمد السعيد وحـآمد زيد ومحمد الذيب ومحمد جـآرالله
ياعل قصر ماتجيله ظلالي ***** ينهد من علي مبانيه للساس **
يقولون اللي يكتب القصيد يحب وانــآ بعيد عن هذآ وذآكـ هههه
قصيدهـ أعجبتني غرام أحباب على ذاك الطريق اللي يسمونه غرام أحباب وطت رجلي على دربه ولاأدري وش نوى فيني تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني صدفتك معجبه فيني وياليت..الغرام : اعجاب وتراك انتي الهنوف اللي هقيتك تستحقيني عطيتك عشق من قلبي..وسلمت لغلاك رقاب وغيرك يحترق قلبه ولا يقدر يحاكيني أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني ولا منك هقيتيني شجاع وما يطيق يهاب أنا لك بالهوى والله مثل ما انتي هقيتيني أنا ما أمشي ورا غيرك ولو أنه يطق الباب وترى عيبٍ عليّ أطعن..ولو كثرت سكاكيني زهودٍ ما يطيق الدم لا داين ولا طلاب شجاع وعارفٍ نفسي وأظن أنك تعرفيني غيورٍ ماعرفت أضحك مع الغدر ببّرود أعصاب أبيع عيوني الثنتين قبل أنك تخونيني إذا شد الغرام .. اترك خفوقي : بين ناب وناب لفرقى تكسر ضلوعي .. ولا عشقٍ يوطّيني أنا رجلٍ ولي غيره .. وإذا شفت الهوى كذاب تثور بقلبي الفزعه ولا تهدى شياطيني سؤالك لو يزعزع بي كياني ما قبلت عتاب اجي لك وأسالك نفس السؤال اللي سألتيني عن العشق القديم أبواب .. تقفيها كثير أبواب بعد ذاك الحبيب اللي خدعني وانخدع فيني أبي عشق تحسب له كل نظرات العيون حساب وابي قلبٍ علي قلبي ، وابى دينٍ على ديني وابي نظرة عطا توفي ولا تخلف بدون أسباب وابي منك قبل لا نتي تصديني .. توديني وابي دربٍ على العذال صعبٍ ومتعبٍ وغلاب وابي نفس الطريق الصعب يبعدهم ويدنيني ترى لو للقلوب عيون ولدموع العيون أهداب حشى ما تنزل الدمعه لغيرك لو تركتيني أنا أول من عرف قدرك وأنا توي صغير وشاب وابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني ما دام أن كل من يحيا على وجه التراب تراب ـــــــــــــــــــــــــ اتمنى اني لم أكن ضيف ثقيل عليكــم واللي بعدي أدري بطيبتي غلطه هع هع وتقبلوآ ســلآمــي,,,
آخر تعديل بواسطة نايف ابن عليثه ، 04-03-2009 الساعة 01:26 AM.
|
1- ماهي علاقتك بالشعر ؟|
|
الف شكر لك ناااايف
ولي عووووووووووووووده
|
|
|
طيف المشاعر
مرزوق العجوني نايف بن اعليثه تواجد رائع و ذائقة شعريه مميزه وا ختيارات جميـــله جدا ..~ . . وبانتظار الرائعهـ أدري طيبتي غلطة
|
|
|
|
|
 بسم الله الرحمن الرحيم بدايةً احب اشكر صاحبة الموضوع غصووونه على مواضيعها المتميزه والشكر موصول لاخي الكريم نايف على كرمه في هذه الدعوه واستضافتي في هذه الزاويه واليكم اجاباتي 1- ماهي علاقتك بالشعر ؟ عشقٌ منذ الازل وبوح عن المكنونات 2- من هو شاعرك المفضل ؟ احب القصيده الجميله ولا اهتم بشاعرها ولكن يعجبني نهج وقصيد سعد علوش محمد السهلي فهد المساعد وشعراء كثر 3- اعضاء في المنتدى تثق في ذائقتهم الشعرية ؟ الكثير من الاعضاء يمتلكون ذائقه شعريه ومميزه ويصعب علي تحدديهم 4- بيت شعر يحضرك دائما ؟ لاخاب ظنك بالرفيق الموالي=مالك مشاريهٍ على باقي الناس" 5- قصيده تعدينه/ـا من اروع القصائـد ؟ اصـــ ع ــــب ســـؤال ( اصعب سؤال ) اللي جوابه للأسف مثله ( سؤال ) !! ...................... ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) .................. كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! .................. لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال ................. اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال ................. ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال ...................... ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال .................... لجل اتجاهل رجفة حروفي اليامني حكيت .. الحال في بعدك قسم بالله ما اسميه حال ............... انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال .................... لا شفته امشي ببتعد واثره معي مهما مشيت !! مدام يعني في بحرك لفرحتي مليون جال ............... وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال .................. لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال ...................... وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال ................... واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ............... ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال ................. يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال ............... للحب واحساس القصيد ان عانق الليل وسريت .. ربي يصبرني على الفرقا مدام الحظ مال ............... وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) .............. واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) ................ لا قلتلي ( وش ذكرك ؟ ) ثم قلتلك ( متى نسيت ؟ ) للشاعر محمد جار الله السهلي 6- هل لك محاولات في كتابه الشعر ؟ كانت لي محالاوت بسيطه وقديمه جداً 7- لك مساحه بلآ حدود وحرية بلا قيود امتعين/ـا بقصيدة على ذوقك؟ حزن النبلاء الجرح ماهـو خـاطـر شــوي ويـروق الجـرح حـــتـى لـو تشـافـى يعــلـّـلـك واذاك مــــتحمـس متـــاهـات وطــروق أنـا تعــــبـت أشـد حيـلـي وأحــــاولـك سماي ماشـــي شمـس ورعـــود وبـروق والـــــريـح ماهبّـت ولا يــجـري الفـلـك والقلب ناشف بحر .. وشقــوقـه شقـوق وشــــلـون بيــــــكـوّد سـحـاب ويبلّـلـك ياظامي أنا أظــمـا .. ومتــشبـع حـروق واذاك ظـــــامـي لـلــمواصـل أنــا هـلـك هلك .. ووقف في وجهي الأصل والذوق والمجتمـع والــــعـرف والفقـر وأهـلـك متعومس .. وحـزن النبــــــــلاء مرمـوق يعني لـو أحتـاج لـك ماجيـت أســــــألـك اللي علي أشكـي .. وأعــــاتبـك برفـوق وأقـــولـك ودي مــــــاعـــــاد أتـــأمـلـك مـن دورة الأيـــام يـاخـوك مخـــــــنـوق الــــــــوقـت مشانـي مـن السلـك للسلـك أزل خـــــــطـوه بــــس مـا أزل منـطـوق ولو صـارت أبا أحــــب خشمك وأجاملك يبـــقـى البــــنـي آدم مـجـرد ومخـلـوق مــــلك .. ولكن فـي الحقيقـه بـلا ملـك والناس عوق الناس .. والدرب مســـبوق تتعب على أشـــــياء فـ الآخر ماهـي بألـك كـذاب قــايـل : كـل مــطـرود ملــــــحـوق ســنين وأنـــا أطردك وأزريت لا أوصـك كنّـك تطيــــش وكنـي أدور فـي طـــوق كـل ماوصـــلت آخرك يــطلع لــي أولـك ياليت ما في خــاطـري شـوق وفـــــروق مــا كـــان حسيت ان أنا بـس منـك الـك الشوق مــاهو رعــشـه وقبـــضـة عـروق وماهو اللي من شـــينك فـ عيــنك يجمّلك وماهو شــعـور يخالـج الــــروح بــرفـوق ولا هو سحـــــر ولا أدري والله شـاقول الك كــــــنّه سحـــــابـة حـلـم وتطيـر بـك فـوق وتطـــــــــــيـر .. ولا ودّك انـهـا تنــــزلـك الشـــوق هذا .. والا أنـا شـــــوقـي البـوق ماقد حـــصل في شــــــوق هـذي ولا تلـك تــــدري وش أسوّي الى أضناني الشـوق أســــوي بعــــــيـوني كــذا وأتـــخيّـلـك وأقـــــربّك واتـوق .. واتـوق .. واتـــوق وأكثّــــــرك وأحـــــلـف مـا عــاد أقــلّـلـك وأصوّرك في الموق .. وتكبر على الموق وتطــيح مــع دمــــعي علـى ايــدي وأقبّلـك هذا غـــــلاي اللـــــي مـع الـــدم مــــدقـوق ولا عـــــــاد تــسأل عـن شعوري بزعّلـك محبـة ماهيـب مـن طــــارف الــــــسـوق لـــــــو انـك توكـل .. كـان والله لا آكلـك جيتك حقـوق ورحـت ماعـــنـدي حقـــــوق وان قــــلت مـا أحبـك أبـــــجحـد مواصلـك أحبـك ؟ ألا يابـري حــــــــالـي وعــوق من كـــــثـر ماحـــبـك أخـاف انـي أقــتلـك للشاعر/ سعد علوش  .. واتمنى اني كنت ضيفه خفيفه ظل عليكم واتمنى انكم استمتعتوا في اختياراتي .. واختار بعدي اختي شهاليل الغرام اذا لم يتم اختيارها  
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| من هو زعيم الشعر وأعظم عظمائه؟؟من هو سيف الشعر ؟؟ تجدونه هنا | حفيد رشيد | قسم الشاعر (مساعد الرشيدي) | 5 | 23-09-2012 06:04 AM |
| الشعر ياشعار ماهو سواليف = الشعر فتل ونقض مناومنا منا ومنا | الاحرش | منتدى المحــــــــــــــاوره | 82 | 02-01-2011 09:45 AM |
| هنا الشعر لأجل الشعر ..... درس جديد للشعراء ( اقلط ياابو موسى ) | خاتم سليمان | منتدى المحــــــــــــــاوره | 25 | 18-03-2010 06:22 PM |
| من يجهل ذلك.. لأ يعرف الشعر - دراسات مفصلة حول الشعر النبطي | الاجهر | منتدى الشـــعــــر | 11 | 21-06-2008 04:00 PM |
| الزعيم الشعر وملك الشعر والطيب.................................. الخ ولله ماقدر اوفيك | ذيب العيال | قسم الشاعر (مساعد الرشيدي) | 2 | 11-02-2008 01:30 PM |
الساعة الآن +4: 01:00 AM.
جميع الحقوق محفوظة شبكة بني عبس
