[عبدالباري عبدالعزيز]

اقتباس من مشاركة ناصر الشويلعي هذا ردي على شاعر الحزب العمده ونقول وفقك الله (البحر من خلفكم والعدو من امامكم ) حنا ترانا مفرقين المواليف=اللي ورثناها من الاوليني ياللي تصرف ماتفيد التصاريف=ماتوبتك الاوله يالفطيني عدونا من فعلنا يصبح مخيف=لون قلبه من حديده يليني احزابكم ماغير بدعه وتوليف=ماعندكم غير البكاء والونيني نبا نوصفكم ابعض التواصيف=هذا حسب مااسمع وشفته بعيني احزابكم تشبه لقشع الشفاشيف=هذا هو البين والآخر يبيني ياحيف يابعض الرجاجيل ياحيف=مقدام قوم وباح منه الكنيني ذكرتني يالعمده بقصة حنيف=اللي شرب عشرين فنجال صيني وحنا هل النخوه ارجال المواقيف=اليا رقص مع الطبول اللعيني هذا كلامي جاك ماهي سواليف=واسلم وسلملي على الطيبيني والسلام

ماشاء الله عليك ابو خالد خلال نصف ساعة رديت هذه القصيدة ، عزالله إنه رد وافي

[أنكسارحلم]

تصبح على خير يالربع

[سعــدعبدالعزيز]

وحنا هل النخوه ارجال المواقيف
اليا رقص مع الطبـول اللعينـي
هذا كلامي جاك ماهي سواليـف
واسلم وسلملي على الطيبينـي

هذالجواب الشافي

[الجحش]

بيض الله وجيهكم

[الجحش]

الله يخارجنا وش الي اشوفه حلم والا علم
على من حزامي ان ماهم صاحين عبدالباري وناصر الشويلعي

الظاهر ان الجحش

سوف يستخدم النووي المحظووووووووور دوليأ

انا اقتبست هذا البيت من بيوت العمده =

اليا نسيتم ماحصل بـاول الصيـف=نعيـدهـا والله عليـكـم يعيـنـي

والخد ميدانن وهن قرّح ولاني وكيل آدم على مذخوره

العمده يقول

ماعلا الكل يابو زيـد تقصيـرن ولافيـه للـي غلـط خلـه=انت مسيتنا بعلم هـذا جعـل حقـي مـع النـاس النجاحـي
لاتعـود تمسينـا بعلمـن ماحـدن غيـر ناصـر عارفـلـه=وبن عبد العزيز اللي خطف راس الهدف واستلم منك الوشاحي

والجحش يقول

ماعلى الكل يابو زيد زود اصحـى لعلمـك ترانـي صاحيلّـه=لاتدربي حصات رزاح من راس الجبل تحسبن الضلـع طاحـي

كان شال الوشـاح اعـزّ شاعريابـن بـراك جعلـه فدوتلّـه=ومن تسوّل له النفس ايتمركز في طريق الجحش, ماهو بصاحي

واللبيبون بالاشارتي يفهمون ههههههههههه

[عبدالباري عبدالعزيز]

اقتباس من مشاركة الجحش الله يخارجنا وش الي اشوفه حلم والا علم على من حزامي ان ماهم صاحين عبدالباري وناصر الشويلعي الظاهر ان الجحش سوف يستخدم النووي المحظووووووووور دوليأ انا اقتبست هذا البيت من بيوت العمده = اليا نسيتم ماحصل بـاول الصيـف=نعيـدهـا والله عليـكـم يعيـنـي والخد ميدانن وهن قرّح ولاني وكيل آدم على مذخوره العمده يقول ماعلا الكل يابو زيـد تقصيـرن ولافيـه للـي غلـط خلـه=انت مسيتنا بعلم هـذا جعـل حقـي مـع النـاس النجاحـي لاتعـود تمسينـا بعلمـن ماحـدن غيـر ناصـر عارفـلـه=وبن عبد العزيز اللي خطف راس الهدف واستلم منك الوشاحي والجحش يقول ماعلى الكل يابو زيد زود اصحـى لعلمـك ترانـي صاحيلّـه=لاتدربي حصات رزاح من راس الجبل تحسبن الضلـع طاحـي كان شال الوشـاح اعـزّ شاعريابـن بـراك جعلـه فدوتلّـه=ومن تسوّل له النفس ايتمركز في طريق الجحش, ماهو بصاحي واللبيبون بالاشارتي يفهمون ههههههههههه

اهب ياواحد مـن الفرسـان فـي حزبـه عطيـب=عـزالله إنـه بالمـلاقـاء لاكـفـخ مـثـل العـقـاب

هههههههههههه

إذا بندقك ثارت بالعرب كثرت ضحاياها= تبرز بالخلا واطلق قنابلك النووية (عيد مربح)ههههههههههه

[ناصر خنيفر]

هلا بالجميع الجحش الكلام هذا مايبرد الكبد ياجعلك تحياء

نباء عليهم غارتن منها يشيب اللي رضيع = حدد لساعات الصفر بالليل ولا بالنهار
حط ابو خالد بالسلاسل لين عن غيه يطيع = اما ولد عبد العزيز ابا انتحر فيه انتحار
حنا سلايل عبس جونا افراد وان جونا جميع= حنا ذراء اللي ياعتزت فينا نبيع الها العمار
من اليوم هذا واقفن حزبي لكم في كل ريع = بالارض ولا بالسماء ولا بغبات البحار
نقضتم الميثاق قبل يحل ميعاد الربيع = والغدر والخدعه لكم عن باقي العالم شعار
اللي سكن يم اليمن واللي على الخط السريع = واللي جنوب من القصيم واللي جنو بن من قفار
والله لاخليهم حفاه اعراه مثل اهل البقيع= عقب الكدالك والجيوب الكل يركب اله حمار

ويلك ياللي تعادينا ياويلك ويل

[غازي البراك]

السلام عليكم ورحمة الله وبركاته
كل عام والجميع بخير ان شا الله ومن العايدين الفايزين

الابداع ماهو غريب عيكم
وانت يا العمده كان الحديث اليوم يدور حولك في بعض المواقف القديمه

التي لها اكثر من عشرين عام وعرض بعض ابياتك التي لها مواقف مناسبه لها
ايام تكس الجره

المهم تقبل سلامي وعيدك مبارك وبلغ سلامي الى الجماعه
واشكر الشاعر ناصر صويان على تصاله واخباري في هذه المحاوره
ويشرفني تسجيل مروري