[العميل السري]

اقتباس من مشاركة محمد الراشد ان رحت قبلك راح عكف الاشانيب....ومن ماحسبها صح يبغى محامي يابو مهلي ينقص الوضع ترتيب.... ويكمل مسلسل محتمين الجهامي الادمي ماهو خلي من العيب وانته عميل" يستحق احترامي ماباقي الا يرفعون المشاعيب لو اني اقدر كبار الاسامي

احد ٍ يجيك وياخذ العلم ويجيب .... والبعض انا ارفع عن كلامه مقامي
ياكم مره تطلع الشمس وتغيب ....وحنا نخــالف عصرنا والنظامي

[العميل السري]

ارررحب يا قايد الحزب

ونور وجودك يالمتحدث الرسمي

ابرك الساعات والله

اخرنا السحوووووور عليكم ياهلا والله

[محمد الراشد]

هلا بك ياعنتر زماااااااااانه والله يسلمك

احد ٍ يجيك وياخذ العلم ويجيب .... والبعض انا ارفع عن كلامه مقامي
ياكم مره تطلع الشمس وتغيب ....وحنا نخــالف عصرنا والنظامي

بعض العرب مخطي ويحسبنه مصيب
ولا هي غريبه شوفة الشرق شامي
باقي دقايق يأذن محمد مجيب
ومع السلامه ودنا بالختامي

[العميل السري]

صح الله لسانك يامحمد الراشد
والساعه المباركه اللي اجمعتنا سوا

لك وللجميع شكري وتقديري

[محمد الراشد]

الله يبارك بايامك يالعميل السري وتشرفت باللعب معك
وبيض الله وجه كل من تابع الطاروق اتمنى انكم استمتعوا به

[ناصر خنيفر]

صحت السنتكم طاروق طيب بين شاعرين معروفين

[الدحيلي]

محاوره قويه بين الشاعرين وشكرا الجميع