[شاعر مغيراء]

اقتباس من مشاركة المحيط الأطلسي ياطيرمهما تطير صيورك توقع وأنت طير=على شفا مشراف وألا في محاجر جوف غار وش عاد لو جيتك على غره قبل مارسل نذير=عض الجمل بالناقه الوضحا وحنت للحوار

صح لساااانك وصح بدنك ولاهنت هذا الختام

الشعر في تال الزمن اصبح مثل قرض الشعير = قد قلتها مبطي وانا عندي مجال ولي قرار
رح إلحق الفاطر سرت دوور لها حبل وجرير = الفاطر اللي تنشرى وتباع في سوق القمار

[شاعر مغيراء]

صح لسانك يا المحيط الاطلسي وبيض الله وجهك الدعوى لعب ووناسه لاهنت وماقصرت ولاهان كل من حضر

[شاعر مغيراء]

هنا عندي وقفه عشان الناس اللي حاضره تفهم مراميع الكلام بيت الشعر له الف معنى وانا مااحب افسر ابياتي يفسرها الشاعر المقابل والجمهور كلن على عرفه لكن هنا ابي افسر البيت التالي واذكر احد معانيه والا معانيه كثيره ماتنحصر البيت

رح إلحق الفاطر سرت دوور لها حبل وجرير = الفاطر اللي تنشرى وتباع في سوق القمار

هنا اقصد الفاطر = الملعبه ,,, تنشرى وتباع بسوق القمار سوق شعراء المحاوره سوق اقمار كله
هذا توضيح بس وهذا احد معاني البيت ويحتمل الفين معنى وكلن يفسر على كيفه وعلى فهمه لو كان البيت مكشوف للبعض ترا معناه بعيد عليه حبيت افسر معناه عشان الناس تفهم ولاتاخذ انطباع خاطئ

[شاعر مغيراء]

يا الله فمان الله وتصبحون على خير ويمكن ارجع بكره لطاروق الثاني ويمكن انشغل على حسب الوضع

[المحيط الأطلسي]

اقتباس من مشاركة شاعر مغيراء الشعر في تال الزمن اصبح مثل قرض الشعير = قد قلتها مبطي وانا عندي مجال ولي قرار رح إلحق الفاطر سرت دوور لها حبل وجرير = الفاطر اللي تنشرى وتباع في سوق القمار

الشعر ياشاعر وزارة والفكر فيه الوزير=لا تحط نفسك تاجر(ن) مثل الهوامير الكبار
تبا الحقيقه ؟ماني محصل وراء خوتك خير=الله ولاخوة خواجه طاير(ن) فيهم قطار

تصبحون على خير

[عادل بن هون]

محاوره قويه بماتحمل الكلمه


نتمنى ان نرى محاورات بهذا المستوى

[سعد الفلاح]

صح أللسنت الشعار على الطاروق الأكثر من رائع

ولاهنتم

[(فارس الرشيدي)]

اقتباس من مشاركة عادل بن هون محاوره قويه بماتحمل الكلمه نتمنى ان نرى محاورات بهذا المستوى

ههههههههههه

عافيه عليكم


الشعير ياشاعر وزاره والفكر فيه الوزيـر

الشعر في تال الزمن اصبح مثل قرض الشعير