|
خيارات الموضوع | ابحث بهذا الموضوع |
|
وآفين للوافين ، لو كآن ما كآن وش لذة الأعمار ، لو مآ وفينا !
|
|
تساقطت أوراق التقويم تباعاً وتناثر عِقد أيام عامٍ كامل بلياليهـ .. سبق من سبق .. وتعثر من تعثر!! قلوب ٌوعقولٌ علت وارتقت .. وأخرى للهاويهـ انحدرت.. أرواحٌ بيننا ولدت .. وأُخرى للسماء صعدت راحلهـ .. دروسٌ وعِبر .. أيامٌ سُطر فيها الكثير.. ويوم العرض تلاقي الأنفس المصير.. ولازلنا في هذهـ الأيام نسير .. راجين من الله الفتح والتيسير.. ويُطل علينا عام جديد قد لايعني للبعض الكثير!! ولكنهـ حقيقة محطة من محطات العمر لابد أن تُخطط لهـ .. وتستجمع قواكـ لقطع سفركـ فيهـ .. متلافيًا أخطاء عامٍ مضى .. ومجددًا لنفسكـ عمرًا وعملًا .. مُستشعرًا جمال كونكـ مسلمًا ونعمة كونكـ لله موحدًا .. تناول أقلامكـ .. وجهز أوراقكـ .. ورتب أهدافكـ وانطلق .. والله ولي التسديد.
|
|
من عوايد كل شاعر يفتل البيت يفتخر في ربعه بـ سلم العوايد ربعي ابن فيد لآمني تعزويت هم عصابة راسي بوقت الشدايد ضربهم للكايدهـ مثل الدناميت تضربه ماتقول له صعبً وكايد من قلآدان لهم بالفعل والصيت مكسب مافوقه من الكسب زايد من سلآيل قوم وافين وعناتيت لآبتن ماتسكن ألآ كل نايد عبس لآمنك تضايقت وتهقويت عبس لآقامت هواجيسك تزايد ولآهو قصور بباقي من تغاضيت كل قوم .. فعلها.. بالطيب رايد في وسيعين البانايد لو تغنيت صعبه اوفي وسيعين البنايد الشاعر/ بدر فالح الرشيدي
|
|
لو لآ الوفا محتاجت الناس لناس ولو لآ المواقف ماعرفنا بعضنا
|
|
وانا من اللي بالعرب ساسهم ساس بني رشيد احرار من عبس فضنا قبايلً خاضت على قب الأفراس ياما دخلنا بالمعارك وخضنا وليا غزينا مانعود بـالأفلآس ناخذ بفعل أيماننا مقترضنا نمشي على قدام مافيه منكاس واليا فتنا للعهد مانقضنا وديارنا من دونها حصن وحباس نسعى لرفع أحصونها ماخفضنا ومن الحجاز الي وراء ذيك الأطعاس صنا المواقع بالحصون وحفظنا ومن فرعة الحايط الي قلع الأرماس غرب وجنوب وشرق فيه أعترضنا الشاعر / فوزي بن مربح
|
|
وش عاد لو ودى الزمان وجاب
كسبت عدوان وخسرت اصحاب ما دامني ماشي على وضح النقاء خل الذي يغتابني يغتاب لا اني مع الصاحب براعي مصلحة ولاني بجاحد ولا كذاب اقدر الطيب واثمّن خوته واحسب لشرهات الرجال حساب واذا طلعت اطلع مثل نجم الجدي واغيب مثل سهيل لا من غاب فما الحضور اللي يجمل صاحبه ولا الغياب اللي يسد الباب حتى لا يلحقني من وجيه العرب ضيق ومشاريه وزعل وعتاب اصد عن بعض المواقف واعتذر الا ليا جاء المآقف الغصاب الصاحب الطيب ليا جاء مآقفه لا صدتن عنه ولا مجناب
آخر تعديل بواسطة الوآآفي ، 05-01-2016 الساعة 09:09 AM.
|
|
اما تجي بحراج وتروح بحراج ولآ تثمن جيتكـ و تحشمها لآ تصير دون الحق بابٍ ومزلآج والقومهـ اللي ترفع الراس قمها خلكـ عزيز النفس في كل منهاج وإن مرتكـ فرصة زمان أغتنمها والكلمة إللي مالها طب وعلآج المحترم يهينها مـحترمها من لآ رقى في بيض الأيام الأبراج سود اليالي داستهـ في قدمها اليأس دمعهـ والرجا ضحكة حجاج ونفسكـ قبل لآ تلوم الأيام لمها الجهل غدراء ليل والحكمهـ أسراج والخلق شارة و المنايا سهمها والضيق سجن البال والسجهـ أفراج وإن ضامتكـ خطوا المقاريد ضمها المرجلهـ لو طالها كل هراج رخصت فعايلها و وقلّـت شيمها لو الرجال تقاس بالبشت والتاج مانفرق شيوخ العرب من خدمها ولو كل من تارد بهقوتكـ هداج ماشفت كبدٍ ناشفهـ من وهمها ناسٍ فرقها وجودها بين الأفواج وناسٍ تساوى وجودها مع عدمها من جرب الحاجهـ عذر كل محتاج ناسٍ عطاها الله و ناسٍ حرمها وقتٍ يهيج ويصطفق مثل الأمواج نبني الأماني والضنون تهدمها معاد يمدي والحكي دونهـ اسيآج لكن تهجاء كلمتي و افتهمها الشاعر / زعل الرشيدي
|
|
لله در الصديق الصادق الوافي ولله در الخوي ومقدر الخوهـ الكفو مبداهـ زين ومنهجهـ صافي واللاش في كل لحظة يختلف جوهـ
|
يتصفح الموضوع حالياً : 2 (0 عضو و 2 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
صوتك الدافي ولّه وأشجون | احمد الرشيدي1 | منتدى الشـــعــــر | 2 | 22-07-2014 07:30 AM |
ووووووين محذي الحافي...ياجماعة خاررر | ابـو هـذا (.*_^ | منتدى المحــــــــــــــاوره | 14 | 13-11-2012 04:02 AM |
انا وحمد الـ ع ـزب ,, جيتك ادور غلاوي وحضنك الدافي ,, | احمد منيف | منتدى الشـــعــــر | 34 | 20-07-2011 02:32 AM |
جيتك ادور غلاي وحضنك الدافي | احمد منيف | منتدى الشـــعــــر | 48 | 06-03-2011 12:01 AM |
الخافي اعظم | منادي الشوق | منتدى الشـــعــــر | 3 | 14-09-2007 08:49 PM |