[فضي البراك]

لك في عيوني طفل .. يلزمك شكره=عاقل , وديّن بسّ يسمع أغاني
مايسكر ويوصل لما بعد سكره=لو جا يشوف اللي يحبه / اناني

[فضي البراك]

يامل قلب من حنينه يـ (ابو سيف)=ذابت معاليقه وذبلت ضلوعه
على وليف مال قلبي مواليف=غيره ولا لي صاحب من ربوعه
ولا تجيبه فالدروب الصواديف=والروح ماهي من غرامه قنوعه
في نجلتينه لي أعياد وغطاريف=وأهواه أنا وأضما وصاله وأجوعه
عليه ترقا بي الهجوس المشاريف=ومن البكى جفني قصيدة دموعه
يوم أنت يامشكاي سيد العواريف=وتحس بغرور المحب وخضوعه
قلي وتلقى لك جميل ومعاريف=عن طب (قلبي) والمحبه تلوعه

[فضي البراك]

أحبس قصيدي والمشاعر والاشواق=خايف عليك بنار شوقي تعذّب

[فضي البراك]

حنيت لأيام الهوى والهوى صلف=وغنيت لك من كل قلبي قصيدة
نسفت كل أيامي المقبله خلف=من شان أعيد الذاكره وأستعيده
آعاهدك وإلا العهد عن مية حلف=أن أنت مذخور الغرام ورصيده
نوهت عن طاريك شي من الولف=من شان نبداها حياة جديده

[فضي البراك]

كتبت فيك الوفا والطهر والعفة=قصايد للأسف بتطيح من عيني

[فضي البراك]

أنتي ورفيقي تخونوني وأنا مدري=ماكنت أفكر ولو لحظه تخونوني
كان بعيوني وكنتي (أنتي) بصدري=والحين انا أبكي على صدري من عيوني

[فضي البراك]

من بُعد صافحني لو أنه دقيقه=أما سلام أحساس وإلا مطاريش
ردي مناجاة الشعور الرقيقه=ماعآد باقي لي بعمر الصبا ،، طيش
آحاول أكشف لك من أمري حقيقه=هذا القفص مافيه طاير ولا ريش
هي مابقت لي عندك إلا طريقة=تختارني وإلا أني آختار وآعيش
يا مكلف نفسي بما لا تطيقه=ليت الظلام يحد رؤيا الخفافيش
شوفي لي أقرب حل بعدك ماآطيقه=والا بلاش من السفر (......)

شعر / فضي البراكـ

[فضي البراك]

يا شينهآ لآقفى وليفك وخلآك=وانتـه على شــآنه هجرت الخلايق