[ابو حشر]

اهلين بصياف

هات الطاروق ياصياف

[بيطار الشعر]

اقتباس من مشاركة الكابتن والنعم واللي مثل شرواك حي مخبور=يارد على الموت ما يدري عنه يزحمه الله يجيرك من اسباب الزمن والشرر =يالشاعر اللي بقلعة عبس رز اعلمه البيطار الله يعطيك العافيه اللعب معك ممتع واخلاقك عاليه وشعرك جزل شرف اللعب مع مثل شراك طال عمرك صح لسانك وتصبح عاى خير وشكرا لكل من حضر معنا وشارك وشجع شكرا للجميع

شهادة منك اعتز وافتخر فيها وبيض الله وجهك وصح اللسانك مرةً اخرى ولاهنت

[بيطار الشعر]

عبداللطيف العايضي وصياف

وعليكم السلام ورحمة الله وبركاته ويالله حيهم

[االبواردي]

اقتباس من مشاركة الكابتن الكد فقار الجمل لكن عيا يثور=مدري بخفه حفا وإلا الزهاب اضلمه وش قلت ما اوحيك لن الهرج معك محظور=بس المهم البدن ما جاب غير اجلمه

محاوره قمة البداع نادره من نوعها في معانيها البعيده

اشكر الكابتن شاعر متمكن وشكر البيطار شاعر مافيه كلام

[بن مشيلح]

صحت السنتكم البيطارررررررررر والكابتن

[ابو صووط]

السلام عليكم ورحمة الله وبركاته
محاوره تستحق التنسيق مع التميز وشكرا للشاعرين

الكابتن

مبتدأ الشعر ولهامه وصدق الشعور

سـلام منـي لكـل العالـم الملهمـه

اقرأ الاسامي تحت شعار كل الحضور

وابدا سلامي على الحضـار واسلمـه

البيطار

يامرحبا ياهلا من جوف عمق البحور

تأصل لمن هو يسلـم دون مانكلمـه

بعض الأسامي لها حشمه وقيمه ودور

وبعض الأسامي بوسط النوم متحلمه

الكابتن

دام البقا لا انت لا مجبر ولا انت معسور

واذا جهلهـا قليـل الميـز لا تعلـمـه

وبعض السوالف لها طعم وبعضها عطور

وبعض السوالف على كبود العرب مؤلمه

البيطار

سبحان رب السماء سبحان محي القبور

اللي لها اسنين مثل اسيوفـن امثلمـه

يالكابتن اللي يدورلـك هـذاك النقـور

قصفك وانته سلاحـك بيـدك امولمـه

الكابتن

ياصاحبي ما يعض إلا العقور الجسور

اللي على خطفت العرقـوب متعلمـه

ما يأكل الميته غير الرخم والنسـور

لايدور اعراش في رأس الضبي فهمه

البيطار

الله واكبر ياكم تطبخ وفـارت قـدور

لاكن ماينوكل منهـا تـرى امسممـه

بس المهم انه امحصل عشاء مع فطور

ماهمتـه صيدتـه لـو كـان متهلمـه

الكابتن

بالله قلي عسى ما تشتوون الصقور

ترى لحوم الصقور بشرعنا محرمه

الاهبل اللي يطق الضلع حتى يثور

وليا تعب يشهق ويزفر بكل انسمه

البيطار

ياللي تقول الكلام انته تراك امحصـور

مابيـن غـارً ونـار ودارك امظلـمـه

هذا الزمن بعض خلق الله يجي له غرور

طيارتـك ماتفيـدك مبطـي امجيـمـه

الكابتن

اهل الخشـوم الكبـار اميزيـن الظهـور

وصلوك من صلب ظهر رجال وإلا احلمه

جاوب لا تكذب ولا تضلم ترى الضلم زور

ترى اقشر الخلق من يجحد عروق لحمـه

البيطار

ترى الرحى دارت وتطحن وباقي تدور

وانته بوسط البحر والحوت فاتح فمه

العلم وصلك وبه علمً بجوف الصدور

عدل وبـدل وحـل العقـده المبهمـه

الكابتن

الكـد فقـار الجمـل لكـن عيـا يثـور

مدري بخفه حفـا وإلا الزهـاب اضلمـه

وش قلت ما اوحيك لن الهرج معك محظور

بس المهم البدن مـا جـاب غيـر اجلمـه

البيطار

ريمان لامن دحم في جنب والا بـزور

ماهمه اللي بوجهه من وقـف يلطمـه

اقول تصبح على خير وفرح مع سرور

هذا آخر القول ولبيطار خـط اقلمـه

الكابتن

والنعم واللي مثل شرواك حي مخبور

يارد على الموت ما يدري عنه يزحمه

الله يجيرك من اسباب الزمن والشرر

يالشاعر اللي بقلعة عبس رز اعلمـه

[العدالروي]

محاوره قمة البداع نادره من نوعها في معانيها البعيده

اشكر الكابتن شاعر متمكن وشكر البيطار شاعر مافيه كلام

[بيطار الشعر]

اقتباس من مشاركة االبواردي محاوره قمة البداع نادره من نوعها في معانيها البعيده اشكر الكابتن شاعر متمكن وشكر البيطار شاعر مافيه كلام

البواردي صح بدنك والله لايهينك