[فضي البراك]

صوت وصدى

من الأرشيف بين خالد الهطلاني وثامر شبيب

ياثامر العشق بيّح خافي أسراري=من عرض بعض السوالف جاب طاريها

وش جابني لك وش اللي جاب هـ الطاري=عامين بقصى حنايا الجوف مخفيها

حاولت اخفّي وعاند ميلة أصراري=لقيت ياخوك نفسي رايحٍ فيها

جيتك ووجهي من اسباب الوله عاري=يكفيك عن مايكنّه صدر مغليها

تدري بحالي وانا عن حالتك داري=مايونس الجرح قلبٍ ما شقا فيها

المهره اللي تحب الصعب وتماري=عند اللزز تستجن لاهاج راعيها

اقفت تشيل الزعل من خيبة اعذاري=راحت ولا عاد يمديني اراضيها

تحطب ضلوعي جفا واشعم لها ناري=ومن لاهب الشوق ساق الرجل اعنيها

ماقل مقدارها ولاقل مقداري=من حب ما يجهل العشره وماضيها

لو واجه العاشق الذكرى بالانكاري=لابد مع جاير الايام يحييها

كانت قصيدة تلحن ضجّة اوتاري=كنت الشعر كانت عيوني وامانيها

اغفي على صوتها وامرّها ساري=وان مرني طيفها وقّفت احييها

لاطاح هتانها تزهربي ادياري=وان سولفت راح كل الليل يحكيها

حدث ياثامر شبيه الما عن اخباري=وعن بعض زلاتها يوم اني اغضيها

وعن وقفتي في لهيب الشمس وغباري=وعن قلبي اللي فقدته في محانيها

من يوم غابت وانا ارجي رحمة الباري=يحميني من صدمة الفرقا وطاريها

الشاعر خالد الهطلاني

وهذا الرد

يامرحبا فيك غصب وطيب واجباري=ترحيب من صاحبٍ خوتك يشريها

اقلط تقهوه دلال البن وابهاري=الرجل وان جاته اضيوفه يقهويها

ارسلت لي والرسايل تتعب القاري=لكن عشانك سهر بالليل قاريها

الليلة اللي تشرع باب مشواري=من قبل تسري علي اروح واسريها

ياخالد ان جيت ناسٍ كارها كاري=ودك تسمي الاسامي في اساميها

وان كان تشكي من الفرقا ومحتاري=مدام خلتك غصب انك تخليها

اليا متى وانت تشكي البعد منهاري=مفروض من يوم راحت وانت ناسيها

القلب لا صار ماهو للجفا ضاري=كل ماتعافت جروحه صاح يبكيها

يشتاق للجرح وراع الجرح ما يداري=يطعن ويترك طعونه ما يداريها

ماانكر الحب يومه شتت افكاري=بديني اسنين واجروحي اداويها

تذكارها ((الشمس)) شف وش كان تذكاري=لاغابت ((الشمس)) موعد مع طواريها

اموت منها ولااطلب منّها ثاري=عايش وميت تخيل من اياديها

تحضن يميني بديها وتطعن ايساري=لو تفتح القلب تلقابه خطاويها

تعبت ليما عرفته درب معباري=وارتحت من حب كان النفس مشقيها

بنصحك من قلب طيبه داخله جاري=زلات ربعه اذا مرت يعديها

لاتدخل السوق لا بايع ولا شاري=ولا تكحل العين كان الكحل يعميها

ثامر شبيب

[فضي البراك]

تصدق من عرفتك صرت أحبك وأكره التغيير=وأنا اللي كنت أعشق كل نجمه بالسما لاحت

[فضي البراك]

أنا ما أدري وش أحساسك وما أدري وش تظنيني=أنا الصادق في عينك كنت وصرت الكاذب الخوان
أنا أخطيت ما أنكر ولا في عذر يكفيني=سوى أني احبك حيل وأني دائما أنسان
انا أدري بمدى جرحك و أدري الحظ جافيني=يطول الوقت ما أخطي واذا أخطيت كل شيٍ بان
أنا شفت الزهر مايل وظنيته يناديني=قطفته يوم ضميته لقيته لللأسف ذبلان
((عرفت أنك ندى عمري عرفت انك بساتيني=وغيرك قيظ ما يروي سراب يسقي العطشان))
أنا لو ما حصل ما كان وش اللي يدريني=(بأنك ما سواك انتي سكنتي القلب والوجدان؟)
أنا آسف على أعذاري عجزت القى عذر فيني=يليق بغلطتي في حقك و يرجع كل شئ كان
(أحبك) كثر أخطائي و أدري أنك تحبيني=و أدري لو تفارقنا فلا نقدر على النسيان
قليل العمر ياللي انتي دموعك ماتساويني=(حرآآآآآآم) انه يصير فراق هي من قلها الأحزان

[فضي البراك]

هبّ بين الصلاتين امس .. ذعذوع=من جهة ديرتك .. كنه يشيلك
صرت اشمك بريحه .. كاره بطوع=وابضلوعي عبر .. عابر سبيلك
ولاتنفست ..اشمّه / ريحة دموع=وريحة الدمع ريحة/ وحشتي لك
تابعٍ لك .. وانا رجال متبوع=لين كثرن خطاوي مشيتي لك؟
مهتوي , صبّ , عاشق , رجل مليوع=شايفا نفسه , و جا ينحني لك
كن سرّي مع العربان مذيوع=لا شعرت بظميري فقدتي لك
احسد اهلك قربك .. يابو طبوع=فيهن احسد اهلك.. الله وكيلك
ليت عشق الهواوي عنه مقنوع=كان ابقنع منك .. قبل اشتكي لك
مير شوقك يمر الروح مطيوع=وان خذاها وطيرها .. اتهوي لك
ومابي تموت روحي .. موت هالنوع=وانت لا اتنوع بموتة قتيلك؟ !

[فضي البراك]

لـ ثامر شبيب والأهداء خاص

ياطول ليل الشتا لا صرت بالغربه=من ضيقة الصدر أحسب ساعة الجيه
آسج عن صاحبي لو صرت في قرب=وأسرح مع طيفك لا حل طاريه
وآشك أن ساعة الجوال مختربه=ليا تأخرت عن ميعادك شويه
وأن دق (قلبي يدق) ضربه ورى ضربه=من رحت عنك على هالحال يوميه
صوتك ليا من سمعته تهت في دربه=آحس روحي معك ويردها ليه
ماقلت لك [ آنت غير ] وطيب التربه=من روس قومن خلقها الله سنافيه ..
حتى السوالف تجي من "مبسمك" ذربه=سوالفك كنها آحــــــــلام ورديــــه ..
والغربه إللي تضيق بـ ناس مغتربه=صدقني إنها معك ما هي بـ عاديــه ..
لا صرت وياك ،، ماحسيت بـ الغربه=ماكني إلا [ كويتي ] بـ السعوديه :

[فضي البراك]

مايموت الشوق واغصانه نديـه=ولايموت اسمٍ يهذري به لساني

يشهد الله كل ماتطـري عليـه=تسرح افكاري وأعيش بجو ثاني

[فضي البراك]

غنيت ماقلت:من رايح ؟ ... ومن يبقى؟=سـاكـن:(بـصـمـتــي)..ولاحــاجــه تـــحـــركـــنـــي

[فضي البراك]

انتظر من راح للهوسبيتل