[جمعان خلف]

الوافـــــــــي المهيمزي

لاتصير وافي لكل الناس يالوافي = اخذ الحذر واعط كل انسان ماجوبه
قليل في هالزمان الصاحب الصافي = بعض الاوادم تجي نيته مقلوبه
العام انا في مكاني كنت متعافي = واليوم انا في طريقٍ ماعرف دروبه
زرعت بالارض واسقيها بمغرافي = بارض الصبخ ماجنى الزراع مطلوبه
وصنعت لي ناس كانت نورها طافي = وعليّ كل الامور اليوم محسوبه
ويالوافي اهديك من نظمي ومن قافي = وتحيةٍ من صميم الراس مصبوبه

الوافي شكرا لك في زمانٍ قل فيه الاوفياء

[الكريمه]

صح السانك
والله يعطيك الف عاافيه

[جمعان خلف]

سعد الرشيدي 00

حيالله اللي يسكن الشرقيه = تحية الصاحب لاعز اصحابه
ديرتك فوق ونخوتك عبسيه = حرٍ وميكاره بروس اهضابه
الروس مرفوعه والانفس حيه = والسيف دايم مسكته بنصابه
ياسيفي اللي ذاخرك للهيه = لاصار ظرفٍ ماعرفت اسبابه
سعد عليك اقدم القافيه = ابيات شعرٍ مبهمه بكتابه
وكان الرموز الصادقه مخفيه = ماودي اكشفها تصير طلابه
احداث مرت كلها عصريه = والمبتلي عساك ماتبلابه

شكرا لك يا اخي العزيز

[صابر]

صح لسانك ومشكووووووور

[ابو حمد ابن عايضه]

بيض الله وجهك ياشاعرنا القدير جمعان خلف على القصيده الجزله

ويستاهل المهندس /فهد محمد البراك الى الامام .

[جمعان خلف]

العقـــــاد 00

تعلموا منك الشعوب الاوائل = وعلمك يبي يبقى على مر الاجيال
ياحضرة العقاد شفت الهوايل = وفي تجربتك الخالده تظرب أمثال
ليتك تشوف عقود بعض القبايل = ووقتٍ تغير بين حابل ونبال
وأقرب قريب اليوم ياتيك صايل = واردا البشر في هالزمن صار خيال
ولاعم في هرجي عيال الحمايل = مثل مافيه احثال تلقالك رجال
اشكرك يالعقاد عبر الرسايل = لو حال من بيني ومن بينك اميال

اشكرك يالعقاد على كرم المتابعة

[جمعان خلف]

عويض بن شامان

حيالله عويض الشامان طلق اليمين = اللي تكلم عن الموضوع ومتابعة
عندي له الشكر والتقدير في كل حين = واكرر الشكر من وحده الى السابعه

شكرا لك اخي الكريم

[جمعان خلف]

خلف العايضي

يامرحبا ياسمي ابوي = تحيةٍ لونها وردي
أنت المكرم ومثل اخوي = طيب ولاضنتي تردي

شكرا لك