[خاتم سليمان]

الله الله

حنا خلصنا منك وانته خذيت الحساب=وهلحين مانطمع امع مذيب ومذابها


الذيب ماتنمحي جرّته بين الكلاب=ليا عوى بالكلاب تهزز أذنابها

[ابا الخيل]

من بلاد الشام جينا بالمكينه 00فوق هبسً ماتخثع بالطماني
والشفير من المدارس جايبينه 00عيديهين يجدعه جدع الحصاني

[(ابوعواض)]

يالاسد ترا امزح لاتتهرب من الرد

ههههههههههههههههههههههههههه

[العميل السري]

لو اقفل الباب في وجهك ماحصلت باب== روح والاشناب لا تخوفك بشنابها
انا اترفع عن الفاظك يامال الذهاب==واحشم عيون النشاما اللي تقدابها

[(ابوعواض)]

اقتباس من مشاركة العميل السري لو اقفل الباب في وجهك ماحصلت باب== روح والاشناب لا تخوفك بشنابها انا اترفع عن الفاظك يامال الذهاب==واحشم عيون النشاما اللي تقدابها

الله الله


تسلم والله

[خاتم سليمان]

اجل صح لسانك ولاهنت يالعميل ...


ولا اعتقد ان هناك الفاظ مخزيه ... (الذيب , الكلاب , اذنابها , ) الفاظ يومياً تقال فالملاعب وحتى فالنبط ومنهم شاعر عبس عيد ابن مربح حينما قال :

استفدت امن الذيابه ومن نبح الكلاب=واستفدت امن الرغى واستفدت من الهدير

عمومااّ صح لسانك والتوضيح السابق لكي لا اخرج في دائرة الخطأ فلم ارتكب اي خطأ حسب الشواهد والمعروف ..... ولاهنت

[(ابوعواض)]

اقتباس من مشاركة خاتم سليمان اجل صح لسانك ولاهنت يالعميل ... ولا اعتقد ان هناك الفاظ مخزيه ... (الذيب , الكلاب , اذنابها , ) الفاظ يومياً تقال فالملاعب وحتى فالنبط ومنهم شاعر عبس عيد ابن مربح حينما قال : استفدت امن الذيابه ومن نبح الكلاب=واستفدت امن الرغى واستفدت من الهجير عمومااّ صح لسانك والتوضيح السابق لكي لا اخرج في دائرة الخطأ فلم ارتكب اي خطأ حسب الشواهد والمعروف ..... ولاهنت

الهدير مو الهجير


بيض الله وجيهكم ولاهنت

[شاعر صريح]

اقتباس من مشاركة خاتم سليمان الله الله ماتحصّل الحبر الأسود في بياض الثياب=والله يستر على الأجواد بثيابها ياللي قريت الكتابه في غلاف الكتاب=إقراء الكتابه حسب ماكتب بكتابها

لله درك ياخاتم سليمان مااافيك حيله....انا قريتها...
صح لسانك ولسان العميل السري