[ناصر خنيفر]

اقتباس من مشاركة ناصر الشويلعي اسلاحك منول مسدس ودربيل= وزادك وملحك بس قص الاثاري واليوم يانا صر تجر المواويل=ويمكن بعد معها تهل العباري ههههههههه

طيب

ابرك من اللي وقتهم به بهاذيل = بالليل سهرتم ورق مع هتاري
ويضيق صدره من قبال الرجاجيل = محذلفن شكله تقول انتحاري

[غازي]

اقتباس من مشاركة ناصر خنيفر طيب حجر المخ لاتكثر بقول وقيل = مايفيد الكلام اشر بسبابه اوتحاول تعدل بخط الريل = راسي اليوم يبغاله عصابه

انشهد انك مصيبه

مايفيد الكبر لاعلاج لاتحليل =من كبر حط حاجونه وطنابه
لو ابا عدلك ماينفع التعديل=وش يسو البعير أليا نكسر نابه

[ناصر خنيفر]

اقتباس من مشاركة ناصر الشويلعي الليله لاتروح فيه محاوره بين المحيش والخياري هنا الساعه 10 ليلا

هههههههههه يعني بروفه لمسابقة الوطن بالقلطه

ساحضر باذن الله وشوف ندح الشعار اللي نسمع فيهم ولم نقابل منهم احد

[ناصر خنيفر]

اقتباس من مشاركة غازي انشهد انك مصيبه مايفيد الكبر لاعلاج لاتحليل =من كبر حط حاجونه وطنابه لو ابا عدلك ماينفع التعديل=وش يسو البعير أليا نكسر نابه

طيب

الكبر مايعيب وياصلك ياشعيل = لو تعليت بالعالي من هضابه
اختم الوضع ابا نظر لزمل عقيل = ابو خالد علينا يفتل اشنابه

[ناصر خنيفر]

شكرا غازي وبارك الله فيك ولاعتراف بالحق فضيله تراي ماستلمت منك المعني وشكرا
ولان اقوم في مطاردة قائد حزب النصر لحين القضا عليه ودامت الافراح بديارنا العامره

[غازي]

اقتباس من مشاركة ناصر خنيفر شكرا غازي وبارك الله فيك ولاعتراف بالحق فضيله تراي ماستلمت منك المعني وشكرا ولان اقوم في مطاردة قائد حزب النصر لحين القضا عليه ودامت الافراح بديارنا العامره

عادي الوضع عندي
مايلحقك شك كبير بالشعر والقدر

[سعد الشقل]

محاورة بوقت الظهاري ههههههههههه عاش عمدتنا والضيف الجديد غازي


ضح اللسانكم على هالابداع الجميل

[ناصر خنيفر]

اقتباس من مشاركة غازي ماشاء الله عليك يابو تركي اللي اعرف معيوف ابن زهيميل اليوم مواجهه الساعة 7 صباحاً رايح للدوام ولاعليه الا العافيه ويكون بعلمك هو اللي علمني بالكمبيوتر والانتر نت وقال ترا العمدة اكبر شاعر ومن سنتك الله يبيض وجهه ويخليه لعياله

والله اني اعز معيوف ولكن ياخوي قطع مره واحده اذا صادفته خله يرسلي رساله يبلغني عن احواله