[طنطاوي]

ليه يا صياف جيت المحكمه بالحجه المجحوده = وانت قبل شوي زكيت ابن زاكي والرجل منقاده
ودي اواعدك في حايل ولا اواعدك في ساموده = لان ساموده تبا حبلن طويل وفوقها الوراده

[طنطاوي]

اقتباس من مشاركة سنام عبس الأخ العزيز طنطاوي صياف انقطع عنده الأتصال والعذر والسموحه اقولها بالنيابه عنه ولاهنت

طيب طيب سلم لي عليه وما يشوف شر

[مجرد اسم]

صح السانك
يا طنطاوي. ولو ماكتمل الطاروق واعتقد معذرو شاعر الخليج

فمان الله وتصبحون على خير

[طنطاوي]

اقتباس من مشاركة مجرد اسم صح السانك يا طنطاوي. ولو ماكتمل الطاروق واعتقد معذرو شاعر الخليج فمان الله وتصبحون على خير

طبعا معذور شاعر الخليج وتصبحون على خير

[صياف]

صح الله السانك ياطنطاوي

والله اني اجريت عدة اتصلات كله لجل استاذنك وابلغ بتعذر الانصال . وكان الاخوان الي معي ارقامهم محدودين في نفس الحظة


وكان البواردي منظمنهم لكن جواله مقفل !! حتى بالاخير استطعت مكالمة سنام عبس الي يدورة ا بلغك . ماقصر بيض الله وجه

تعذر الاتصال جاء متاخر من الليل واستغرقت ماقرب 40 دقيقة وهذا ماصعب علي البحث عن وسيلة اتصال اخرى .

حقيقة بعد مااطلعت على المبدا . كنت تمنيت مواصلت الطاروق . وهذا الطريقة والاسلوب .واهدافها المنظورة. كان وراها شاعر , يحسب له الف حساب

[ابو حشر]

صحيح كلام صياف وانا شاهد له

كنت العب مع الكايد بنفس الوقت وتعذر الاتصال وحاولت الاعتذار لكن مابه فايده

[صياف]

اقتباس من مشاركة طنطاوي كان صياف الرشيدي محتزم فالليله الموعوده = علموه ان البروق بروق غيره والرعد رعاده امتلا بطن البسيطه والبلد كلن يعرف حدوده =مير صياف الرشيدي ما يطيح ولا يزل شداده

والله ياطنطاوي نجلس اشهور يالمنتدى ماجانا بيوت بلحجم هذا لكن اسمح لي ارد عليك

صاحبي غير مساري عن طريق الدياري المعهوده = بالتجاه الديرة الي لوصدفك الصيد ماتصتاده
مير ابلزم واحتسب للاجر جوعي ماحسبت الزوده = فوق متني ميحمى ظهري من القناصة المتعداه

[طنطاوي]

اقتباس من مشاركة صياف صح الله السانك ياطنطاوي والله اني اجريت عدة اتصلات كله لجل استاذنك وابلغ بتعذر الانصال . وكان الاخوان الي معي ارقامهم محدودين في نفس الحظة وكان البواردي منظمنهم لكن جواله مقفل !! حتى بالاخير استطعت مكالمة سنام عبس الي يدورة ا بلغك . ماقصر بيض الله وجه تعذر الاتصال جاء متاخر من الليل واستغرقت ماقرب 40 دقيقة وهذا ماصعب علي البحث عن وسيلة اتصال اخرى . حقيقة بعد مااطلعت على المبدا . كنت تمنيت مواصلت الطاروق . وهذا الطريقة والاسلوب .واهدافها المنظورة. كان وراها شاعر , يحسب له الف حساب

معذور يا صياف وانت شاعر عنك الشك زايل واعتذارك محل تقدير وعلى الراس والعين