|
خيارات الموضوع | ابحث بهذا الموضوع |
نشكر المقدم الركن/ ناصر الدويله على اللقاء الممتع ونقول أسعدتنا بحضورك الجميل أباعلي ،وفعلاً شبرك عن شبور الرجال تزود وعلومك غانمه وتنومس .
شكراً من الاعماق لشخصكم الكريم . مع التحفظ على أسلوب المذيع بل لاتعليق والله يشفي عثمان الفهد ويقومه بالسلامه دمتم بحفظ الرحمن ،،
آخر تعديل بواسطة ابو بدر العجوين ، 12-11-2010 الساعة 02:05 AM.
|
والدي أبو صالح .. الف شكر لك ولـ جهدك في متابعتك وتغطيتك الاعلاميه للحلقه وأنتظر بقيه التغطيه
لان الحلقه مميزه وتستاهل من يشوفها مره ومرتين وثلاث مميزه ورائعه طبعا بوالدي ناصر خصوصا في العرضه والاكيد إنه هواوي :) لكن فيه شئ لم يعجبني .. لماذا كلام والدي ناصر لايوخذ بجديه من مقدم البرنامج المحامي خالد !! أغلب كلام المقدم مزح وتعليق وعلى قولتكم يا اهل الكويت يقط بدليات الموقف والحلقه جديه ويجب تقدير الكلام والحقائق وأخذها على محمل الجد وليس الهزل والتعليق .. خصوصا في [شطحه] المقدم في اعداده لـ تقرير عن البشره البرونزيه !! موضوع الحلقه لايتناسب مع هذه الشطحات , وايضا شطحته في انه يأكل بالشوكه وتمثيل ذلك وإعاده كلمه انت بدوي وبدوي فـ كيف تاكل بالشوكه والسكين ؟ البداوه ياأستاذ خالد في المخابر وفي الافعال وفي النخوه وفي الشجاعه وفي الاقدام البداوه هي الاصاله والنقاء والمرجله .. واكيد هذه الشكليات لاتضر ولاتنفع ... هذه كلها تضيع وقت البرنامج في امور تافهه ... اما بخصوص المواجهه التاريخيه فتأكد ياوالدي ناصر ان امامك 6 مناهضين لك , وانت لست وحدك هناك بل بـ جانبك وبخلفك أسرتك وقبيلتك واهل الكويت الذين يرون بأنك على حق وهم كُثر وايضا لاتنسى ابنتك من نجد العذيه من خلف الشاشات اساندك واشد من ازرك واشجعك وانت لاتحتاج إلى هذا لكن , كـ دعم معنوي انت لست وحدك وأترقب هذا اللقاء على أحر من الجمر وسأدعو لك من كل قلبي بأن الله يحفظك وينصرك ... نهايه اهني والدي ناصر ووالدي ابو صالح وإلى جميع اعضاء هذه الشبكه الغراء قبيله بني عبس بمناسبه قرب عيد الاضحى المبارك كل عام وانتم إلى الرحمن اقرب , وعيدكم مبارك قبل الزحمه اعاده الله علينا وعليكم باليمن والبركات ... |
النسبـة لي شخصيــا ً
أنا جدا ًمسرور لإسلوب المحاور / خالد العبد الجليل و إثارتـــه الإعلاميـة التي تصب في مصلحـة شد إنتباه المشاهديـن حتى يسمعوا و يركزوا لكلام ألسيد/ ناصر الدويلــه و الحمد لله إن الخيـر إنتصـر ،، |
السلام عليكم ورحمة الله وبركاته
هلا فيج يااختي سارة السبيعي وابشرج المقابله كلها سجلتها بالفيديو وبالكمبيوتر عندي بس باقي اسويلها مونتاج واعلق على بعض اساليب المذيع الاستهزائيه الواضحه علشان يتاكد منها ناصر الدويله ويشوفونها باقي الناس ياخوج انكسر واهسي من هذا المنتدى بسبب ان الادارة الله يهديها لم تنصفني عندما شتمني واتهمني العضو مو بكيفك برساله خاصة ونقلت ذلك لاحد المشرفين ولكن لم يفزعوا لي فكيف اشارك في منتدى تم اهانتي فيه ماعليه علشان الطيبين والطيبات سوف اشارك في هذا الموضوع فقط حتى يتم منع مو بكيفك عن الكتابه ورد اعتباري بخصوص مقابلة امس قلت حق ناصر من قبل ان المذيع اسلوبه استهزائي والحمدالله اننا شاهدنا رد ناصر في حلقة امس رد جميل وواضح ونبيه على أساليب المذيع الاستهزائيه اما بخصوص مقابلة الخصوم فااعتقد والعلم عند الله ان ناصر باذن الله قادر على الرد لان اغلب هؤلاء الضباط اعرفهم وليس لهم القدرة على مجابهة ناصر الدويله لكن نقول وننبه على ناصر الدويله انا وانت ياناصر نعلم تماما من هم هؤلاء الضباط ولانقول فيهم شيئا والنعم فيهم ولكن ارجوا واكرر على ذلك : لاتستهين في خصمك حتى لايصيبك الغرور وليكن هدفك ونيتك هي لله تعالى وليس بنية التباهي الاعلامي خل اسلوبك مثل اسلوب الشاعر المرحوم صقر النصافي رحمه الله تعالى حيث كان دائما في بدايه المحاورة او القلطه يجعل خصمه يستهين فيه حتى يصيب خصمه الغرور ثم بعد ذلك يطبق عليه ثم اهم من ذلك كله هي الاستعانه بالله وحده وقل ياناصر ((اللهم ياحي ياغيوم برحمتك اسغيث اصلح لي شأني كله ولاتكلني لنفسي طرفة عين )) مايحتاج اعلمك وانما اذكرك ياناصر وعسى الله يحفظك
آخر تعديل بواسطة ابوصـالح ، 12-11-2010 الساعة 11:15 AM.
|
|
مير والله هذى الساعة المباركة ياهل نجد - تعرفون على اهالى عوالي نجد
ياعلاوي نجد علك مراويح السحاب = ديرة ربيت فيها وانا توي صغير ( بن مربح ) لاتحفظين بالمقدمة - طالما انك في هذا الموقع اعتبري نفسك بين اخوانك وخواتك - مرحباء ومسهلاء والشيخ / ناصر الدويلة يستاهل المدح والثناء - مع الف تحيه لك
|
ياهلا والله ومرحبا بالعم ابو علي
هذي والله الساعه المباركه اللي شاركة فيها معانا والشكر موصول للاخت ساره السبيعي والفعايل الطيبه والشجاعه يابو علي ماهي غريبه عليك ابوك وعمك وخالك وخوانك نار على علم بالصفات الحميده ما شاء الله الله يستر عليكم ويوفقكم لما يحبه ويرضاه ويثبت خطاكم وهذي ابيات ارتجاليه بسيطه مني لك بسطر إبيوتي على عذب الالحان = ومدح وريث المجد في كل هيه يابو علي معروف فعلك من ازمان = لكن انا بعطيك قاف ٍ هديه ماتثبت الحجه على غير برهان = وانته حججك اهل الوغا والحميه كريم جود وشيخ عز ٍ وسلطان = مايجحدك غير الردي والرديه طيب ولد طيب ومن روس فرسان = عقيد حرب وماتهاب المنيه انا اشهد إنك بالمواقف بليهان = تشيل حمل ٍ ماتشيله سريه ومنهو يضدك يابيض الوجه خسران = لنه بقلبه حقد والفين نيه ياللي كسبت الطيب في كل ميدان = القاف مني لك مقدم هديه والله لو اكتب ملحمه ما اوفيك حقك يالعم ابوعلي لكن عاد سامحنا عالقصور اخــوكم / الاكــحــل |
السلام عليكم ورحمة الله وبركاته
في زيارة خاصة لابل النائب السابق ناصر الدويله وبعد مقابلته التلفزيونه البارحه مع خالد العبدالجليل يشكركم ناصر الدويله جميعا على وقوفكم معاه ومؤازرتكم له ويعتذر عن الرد بسبب انشغاله يااخوان واترككم لهذا الفيديو
|
|
ناصر بطيبة افعاله .. آسر بنبل اخلاقه ..
نسيج من مجموعة معاني قيمه .. وتوليفه خاصه لايوجد لها مثيل .. متميز حد الاشاره له بالاشاده .. متمرس حد الاحاطه عنه بالنباهه .. كنت وقبل هذه الكتابه احسب ان الكتابه وان اتت عفويه فأنها لاتنفك من خليط من مجامله وثناء فقط , حتى وان دانها صدق مشاعر ربما لاتتضح والكثير منها عليه تحفظ . . لكن الحق ان هذا الرجل نادر .. أنه ناصر .. تضيق الحروف عند الكلام عنه .. فما بال الاشاده والكلام عن مضمون قل بل ويندر ان يتواجد رجال بهذا الزمن يحملون نفس المزايا . . ليس لي الان الا قول ان هنالك ماخالج نفسي فأبت علي الا الكتابه عن ولهذا الرجل الفذ .. ناصر .. شدى علم ، يصدح بثقافة وشجاعته .. فأنت ذاك البحر القابع .. وما نحن إلا مداد في سواحلك .. وليس بالغريب عليك .. فأنت ناصر الدويلة .. الى الأمام .. الأخت السبيعية .. شكرا مليار .. أبو صالح الى الأمام أيها الراقي الرائع ..
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
شريحه تعيش بيننا خ،ق،الحصريات | احساس الشمال | منتدى الحوار الهادف | 18 | 31-07-2011 01:49 PM |
مقابلة تو الليل كامله مع ناصر الدويله | العبسي سبع | منتدى اخــبار القبيلــة | 5 | 10-05-2011 12:30 PM |
ناصر بن فهد الدويله وشهادة حق | نادر بن مساعد | منتدى الشـــعــــر | 10 | 07-12-2010 11:41 AM |
صور نادره لنائب المحامي ناصر الدويله | عبس404 | منتدى اخــبار القبيلــة | 19 | 13-11-2010 02:38 PM |
youtube ناصر الدويله | كويتي 2020 | منتدى اخــبار القبيلــة | 1 | 12-11-2010 12:31 PM |